Q.E.Jańbyrshındi Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy qyzmetine taǵaıyndaý týraly
Qozykórpesh Esimuly Jańbyrshın Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy bolyp taǵaıyndalsyn.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2014 jylǵy 15 qańtar. №730
Qozykórpesh Esimuly JAŃBYRShIN
1960 jyly týǵan, Máskeý ekonomıka-statıstıka ınstıtýtyn (MESI) bitirgen, mamandyǵy – ekonomıst-matematık. Ekonomıka ǵylymdarynyń doktory ǵylymı dárejesi bar.
Qazaq KSR-y Memlekettik josparlaý komıtetiniń ınjeneri, ekonomısi, aǵa ekonomısi bolyp jumys istedi. MESI aspırantýrasyn bitirgennen keıin Qazaqstan Respýblıkasy Ekonomıka jónindegi memlekettik komıtetiniń bas mamany, Prezıdent janyndaǵy Joǵary ekonomıkalyq keńestiń konsýltanty bolyp eńbek etti. Qazaqstandaǵy Eýropalyq qoǵamdastyqtar komıssııasy Úılestirý bıýrosynyń ulttyq dırektory, Prezıdent janyndaǵy Ekonomıkalyq konsýltanttar keńesi basshysynyń orynbasary, «TASIS» baǵdarlamasynyń Qazaqstandaǵy úılestirý bıýrosynyń dırektory, Almaty qalasynyń ekonomıka jónindegi komıtetiniń tóraǵasy laýazymdarynda qyzmet atqardy.
Almaty qalasy ákiminiń orynbasary, Qorǵanys mınıstriniń orynbasary, Qaýipsizdik Keńesi hatshysynyń orynbasary qyzmetterine taǵaıyndaldy.
2009 jylǵy qyrkúıekten – Qazaqstan Respýblıkasy Qaýipsizdik Keńesi hatshysynyń orynbasary – Qazaqstan Respýblıkasy Qaýipsizdik Keńesi hatshylyǵynyń meńgerýshisi.
