Onyń aıtýynsha, alys tanysy bank qosymshasy arqyly ózine aqsha aýdaryp alamyn dep aldap, 14 mıllıon teńgege atynan nesıe rásimdegen.
Polısııa qyzmetkerleri atalǵan jaıtty QR QK 190-baby boıynsha tirkedi. Osyndaı jolmen turǵyndy aldap, óziniń quryǵyna túsirgen alaıaq adamdy ustaý úshin tájirıbeli tártip saqshylarynan jedel-tergeý toby quryldy.
Jedel-profılaktıkalyq is-sharalar barysynda, aqparat kózderi arqyly 2 táýlik ishinde kúdikti ustaldy.
Tártip saqshylary alaıaqty óziniń turǵylyqty úıinen taýyp, polısııaǵa jetkizdi.
Polıseıler kúdikti dep tanylǵan jergilikti turǵynnyń iri kólemdegi aqshany qumar oıynǵa jumsap jibergenin anyqtady.
Qazirgi tańda atalǵan jaıtqa baılanysty tergeý amaldary júrgizilýde. Kúdikti azamattyń bas sharasy qolhatta.
О́z kezeginde Túrkistan oblysynyń polıseıleri azamattarǵa alaıaqtardyń aılasyna aldanbaı, barynsha abaı bolýdy eskertedi.
Aqshańyzdy, bank kártishkeńizdiń qupııa sandaryn eshkimge aıtpaýǵa jáne bermeýge keńes beredi.
