Aımaqtar • 06 Tamyz, 2021

Ashyq jobasyn tıimdi paıdalanǵandarǵa jeńildik berildi

41 ret kórsetildi

Batys Qazaqstan oblysynda koronavırýs qarqyny áli de joǵary. Bul bıznes nysandaryna da ońaı tımeı otyr. Biraq karantın talaptaryn saqtap, «Ashyq» jobasyn tıimdi paıdalanyp otyrǵan kásipkerlik nysandaryna birqatar jeńildik berildi, dep jazady Egemen.kz.

Bıylǵy 5 tamyzda Batys Qazaqstan oblysynyń Bas memlekettik sanıtar dárigeri jańa qaýly shyǵaryp, «Ashyq» jobasynyń kóshbasshylaryna» birqatar jeńildik berdi. Máselen, «Ashyq» jobasyna qatysýshy ashyq jáne jabyq bazarlar jumys kúnderi saǵat 09:00-den 17:00-ge deıin isteıtin bolsa, al «Ashyq» kóshbasshylary» jumys kúnderi saǵat 09:00-den 19:00-ge deıin ashyq bolady. Sol sekildi qoǵamdyq tamaqtaný oryndary, fýdkorttar, saýnalar, SPA-ortalyqtar, basseınder, sport keshenderi, sporttyq-saýyqtyrý ortalyqtary jáne fıtnes-ortalyqtar, ıoga-ortalyqtary, saýda úıleri, saýda jelileri, teatrlar, kınoteatrlar, bılıard bólmeleri, kompıýterlik klýbtar, sonyń ishinde PlayStation klýbtary, boýlıng, balalardyń (jabyq) oıyn-saýyq ortalyqtary, karaoke, meıramhana jáne dámhana tıpi boıynsha kelýshilerge qyzmet kórsetetin banket zaldarynda isteıtin «Ashyq» kóshbasshylary» endi óz qyzmetin jumys kúnderi saǵat 22:00-ge deıin kórsete alatyn boldy. Eskeretin bir jaıt, bul nysandardyń barlyǵy da senbi, jeksenbi kúnderi jumysyn toqtatady.

Búginde oblysta koronavırýs ınfeksııasyn juqtyrǵan barlyǵy 31 891 adam tirkeldi. Indetti juqtyrǵandardyń 75,4-%-y, ıaǵnı 24 030 adam jazylyp shyqqan. Onyń ishinde 11 442adam stasıonarlyq, 12 588adam ambýlatorııalyq em alǵandar.

«Pandemııanyń basynan bastap qazirgi kezge deıin barlyǵy 560 adam COVID-19 - dan kóz jumdy. Dál qazir jalpy sany 1 459 tósek-oryndyq 20 ınfeksııalyq stasıonarda 660 adam emdelýde. Aýrýhanalar tolymdylyǵy 45,2%-dy quraıdy», deıdi Batys Qazaqstan oblystyq densaýlyq saqtaý basqarmasy basshysynyń orynbasary Gúlnár Abdrahmanova.

Gúlnár Maqsotqyzynyń aıtýynsha, ınfeksııalyq stasıonarlardaǵy 109 reanımasııalyq tósek-orynda 44 naýqas emdelýde. Onyń ishinde 41 naýqas aýyr halde jáne 3 naýqas asa aýyr halde jatyr.

«Infeksııalyq stasıonarlarda jatqan naýqastardyń 95%-y, al jan saqtaý bóliminde aýyr halde jatqan naýqastardyń esh biri vaksına almaǵan. Bul vaksınanyń tıimdiligin kórsetedi. Vaksına alý arqyly aǵza turaqty ımmýnıtetpen qamtamasyz etiledi. Ekpe alý vırýstyń tabıǵı jolmen taralmaýyn qamtamasyz etetin jalǵyz ádis!», deıdi Gúlnár Abdrahmanova.

Búginge deıin oblys aýmaǵyna vaksınanyń 371 050 dozasy ákelingen. Onyń ishinde 207 500 doza – I komponent, 163 550 doza – II komponent. Ekpeniń basym bóligi Reseıde óndirilgen «Spýtnık V» vaksınasy eken.

Jalpy oblys boıynsha vaksınanyń I komponentin 170 298 adam qabyldaǵan. Al 127 962adam ekpeniń qos komponentin de alyp, emin-erkin júr.

«Tamyz bastalǵaly ótken 5 kún ishinde oblysta COVID-19 dıagnozymen 716 adam anyqtaldy. Aýyrǵandardyń kóbi, ıaǵnı 252 adam Oral qalasynda turady. Sondaı-aq Bórli aýdanynda 136 naýqas, Báıterek aýdanynda 115 adam, Terekti aýdanynda 36, Tasqala aýdanynda 34 syrqat tirkelip otyr», deıdi oblystyq sanıtarııalyq-epıdemıologııalyq baqylaý departamenti basshysynyń orynbasary Nurlybek Mustaev.

Sońǵy aptada ótken aptamen salystyrǵanda aýrýshańdyq 28 paıyzǵa tómindegen.

Degenmen, arqany keńge salyp, bosańsýǵa áli erte. Jasyryn ótkizilip jatqan kópshilik jıyndar azaımaı tur. Oblysta monıtorıngtik toptar sońǵy bir apta ishinde 88 márte reıd júrgizip, 593 nysandy tekserip shyqqan. Nátıjesinde 20 nysanda karantın talaby buzylǵandyǵy anyqtalǵan. 19 hattama toltyrylyp, 1 093 875 teńgege aıyppul salynypty.

О́ńirde «Ashyq» qosymshasyn paıdalanatyn nysandar kóbeıip, búginde jalpy sany 2289 nysanǵa jetken.

«Sońǵy aptada «Ashyq» jobasyna qatysatyn nysandarda «sary/qyzyl» mártebesi bar 80 adam anyqtaldy, onyń ishinde qyzyl mártebesi bar – 49, sary mártebesi bar – 31 adam karantın tártibin saqtamaı, kópshilik orynda júrgen eken. Osy zań buzýshylyqtar úshin Ákimshilik kodekstiń 425-baby, 1-bóligi boıynsha jeke tulǵalarǵa 1 808 540 teńge mólsherinde barlyǵy 42 ákimshilik hattama toltyryldy», deıdi Nurlybek Ermekuly.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar