«Aqmola oblystyq sotynyń qylmystyq ister jónindegi sot alqasynyń qaýlysymen K.- ǵa qatysty Aqmola oblystyq sotynyń aqtaý úkiminiń kúshi joıyldy jáne qylmystyq is sol sottyń ózge quramdaǵy jańa qaraýyna jiberildi. Sot alqasy jábirlenýshiniń zańdy ókiliniń apellıasııalyq shaǵymyn jáne prokýrordyń SMJ úkimine narazylyǵyn qanaǵattandyrdy», dep habarlady sotta.
2021 jylǵy 8 maýsymda Aqmola oblysynyń qylmystyq ister jónindegi mamandandyrylǵan aýdanaralyq sotynda alqabıler soty jas balany zorlaý isi boıynsha er adamǵa qatysty aqtaý úkimin shyǵardy.
Alqabıler úkiminiń negizinde ol QR QK 120-baby 4-bóligi «jas balalardy zorlaý» boıynsha qylmystyq quqyq buzýshylyq jasaýǵa baılanysty oqıǵanyń bolmaýynan aqtaldy.
Oblystyq sotta túsindirilgendeı, alqabıler alqasyn qurý kezinde is júrgizý zańynyń eleýli buzýshylyqtary jáne is boıynsha dáleldemelerdi zertteý tártibi úkimniń kúshin joıýǵa negiz boldy.
