Foto: qala ákimdiginiń baspasóz qyzmeti
Shtab otyrysynda densaýlyq saqtaý basqarmasynyń basshysy qaladaǵy epıdemıologııalyq jaǵdaı týraly baıandap, jyl basynan beri megapolıste 21 myńnan astam adam koronavırýs ınfeksııasyn juqtyrǵany, 1034 naýqastan pnevmonııa anyqtalǵanyn atap ótti.
Qala ákimi epıdemıologııalyq jaǵdaımen tanysyp, ınfeksııanyń taralýy sharyqtaý shegine jetkenine nazar aýdardy. Turǵyndar vaksına almasa, jaǵdaı ýshyǵýy múmkin ekenin eskertti.
Aıta keteıik, qalada 45 vaksınasııalaý ortalyǵy bar, onda 378 827 adam ekpeniń birinshi dozasyn, 294 352 adam ekinshi dozasyn saldyrdy.
Qala basshysy epıdemıologııalyq jaǵdaıdy jaqsartý úshin KT, rentgen apparattarynyń sanyn kóbeıtýdi jáne qajet bolǵan jaǵdaıda táýlik boıy jumys isteýdi, sondaı-aq naýqastardy aýrýhanaǵa jatqyzý ýaqyty 15 mınýttan aspaýyn qadaǵalaýdy tapsyrdy.
M.Áıtenov vırýs juqtyrǵan jaǵdaıda bekitilgen hattama aıasynda emdelýdiń mańyzdylyǵyna toqtalyp, ózin-ózi emdeýdiń densaýlyqqa óte qaýipti ekenin atap ótti. Sondaı-aq, mobıldi toptardyń jumysyn kúsheıtý, halyqqa pasıentterdi emdeý týraly durys aqparat berý jáne ólimge ákelip soǵatyn jaǵdaılardy zertteý úshin arnaıy komıssııa quryp, taldaýdy tapsyrdy.
Kezdesý sońynda qalanyń bas dárigerleri men medısınalyq uıym basshylaryna jumysty belgilengen algorıtm boıynsha uıymdastyrý tapsyryldy.
