Oblystyń polısııa departamentiniń baspasóz qyzmetiniń habarlaýynsha, óńirde jol apatynan eki adam kóz jumǵan.
«3 tamyz kúni saǵat 23:45-te «Omby-Maıqapshaǵaı» tasjolynyń 380-shi shaqyrymynda, Chernoıarka aýylynyń mańynda 32 jastaǵy Nissan Patrol-dyń júrgizýshisi «ÝAZben» soqtyǵysqan.
25 jastaǵy «ÝAZdyń» júrgizýshisi aýyr jaraqattan sol jerde kóz jumdy», dep málimdedi Pavlodar oblysy polısııa departamenti bastyǵynyń birnishi orynbasary Jasqaırat Qaıyrov. Densaýlyq saqtaý basqarmasynyń baspasóz qyzmeti qaıtys bolǵan er adamnyń Chernoresk dárigerlik ambýlatorııasynyń dárigeri ekenin rastady. Ol Aqsý qalasynda naýqasty aýrýhanaǵa jatqyzǵannan keıin qaıtyp kele jatqan. Polısııa ekinshi qaıǵyly oqıǵa jaıly da málimdedi.
6 tamyz kúni saǵat 23:15-te sol joldyń 561-shi shaqyrymynda, Sharbaqty aýylynyń mańynda Nissan X-Trail-diń 68 jastaǵy júrgizýshisi jaıaý júrginshini qaǵyp ketken. 31 jastaǵy áıel taksı toqtatý úshin joldyń kólik júretin bóligine júgirip shyqqan. Ol da oqıǵa ornynda kóz jumdy. Eki jaǵdaıda da sot-medısınalyq saraptama taǵaıyndaldy, kólikter arnaıy aıyppul turaǵyna qoıyldy.
Polıseılerdiń aıtýynsha, osy jyldyń basynan beri Pavlodar oblysynda 278 jol-kólik oqıǵasy bolǵan, saldarynan 20 adam qaıtys bolyp, taǵy 410 adam túrli jaraqat alǵan.
