Oqıǵa • 08 Tamyz, 2021

Almaty taýlarynda er adam júrek talmasynan qaıtys boldy

127 ret kórsetildi

Qutqarýshylar málimetinshe, 61 jastaǵy týrıst Medeý aýdanyndaǵy taýlarda ınfarkt alǵan, dep habarlaıdy Egemen.kz.

Qutqarý qyzmetiniń aqparaty boıynsha, er adamǵa kómek qajet degen shaqyrý kezekshi pýltine tańǵy saǵat 11.15-te túsken.

«Qutqarýshylar dereý naýqasty jedel medısınalyq kómekke jetkizý úshin shyqty. Aldyn ala aqparat boıynsha, 1960 jylǵy týrıstte júrek talmasy bolǵan. Teńiz deńgeıinen 1740 metr bıiktikke jaıaý kóterilý qıyn bolǵanyna qaramastan, saǵat 12.30-da qutqarýshylar oqıǵa ornynda boldy. О́kinishke qaraı, top kelgen kezde er adamnyń tynys alý belgileri baıqalmaǵan. 15.52-de qutqarýshylar máıitti túsirip, polısııa qyzmetkerlerine tapsyrdy. Basqa da jaǵdaılar anyqtalyp jatyr»dedi vedomstvonyń baspasóz qyzmetindegiler.

Qutqarýshylardyń málimetteri boıynsha, sol kúni olar Almarasan shatqalynda adasqan týrısterdi qutqarǵan.

«Saǵat 18.35-te TJD pýltine Bostandyq aýdanynda 16-21 jas aralyǵyndaǵy tórt qyzdyń joǵalǵany týraly habarlama kelip tústi. Dereý oqıǵa ornyna 5 adamnan turatyn qutqarýshylar jiberildi, «Volchıa tropa» geolokasııasy anyqtaldy. Jol boıynda joǵalǵan qyzdarmen baılanys saqtaldy. Saǵat 19.50-de qutqarýshylar olardy tapty. Týrısterge medısınalyq kómek qajet emes edi. Qutqarýshylar olarǵa beketke túsýge kómektesti», dedi qutqarý qyzmeti ókili.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar