Bul týraly Ertis aýdandyq polısııa bóliminiń bastyǵy Dáýlet Moldabaev málim etti.
«34 jastaǵy er adam mas kúıinde 22 jastaǵy medbıkege ádepsiz sózder aıtyp, til tıgizgen. Medısına qyzmetkerin qorlaı otyryp, aınalasyndaǵylarǵa qurmetsizdik tanytqan», dedi Dáýlet Moldabaev.
Tártip buzýshyǵa qatysty QR ÁQBtK-niń 434-baby 1-bóligi boıynsha ákimshilik is qozǵaldy. Ertis aýdandyq soty quqyq buzýshylyq jasaǵany úshin er adamdy kináli dep tanyp, úsh táýlikke ákimshilik qamaýǵa alyndy.
Sondaı-aq sot Ertis aýdanynyń taǵy bir turǵynyna 5 AEK aıyppul saldy. 44 jastaǵy er adam óziniń 58 jastaǵy jerlesin balaǵattaǵan.
Aıta keterligi, jyl basynan beri osyndaı quqyq buzýshylyq jasaǵany úshin 741 quqyq buzýshy ákimshilik jaýapkershilikke tartylǵan.
