«6 tamyz kúni saǵat 17:20-da Arys stansııasynyń platformasynda sary fosfory bar júktiń janýyna baılanysty «Qazgıdromet» RMK-nyń Túrkistan oblysy boıynsha fılıalynyń monıtorıng zerthanasy, jospardan tys irikteý jáne atmosferalyq aýa synamalaryn analızdeý úshin Arys qalasyna bardy», delingen habarlamada.
О́rt shyqqan Naýryz shaǵynaýdany qalanyń ońtústik-batys bóliginde ornalasqan. Qala turǵyndarynyń sany 1700 adamdy quraıdy. Lastaýshy zattardyń shoǵyrlanýy kelesi hımııalyq qosylystar boıynsha ólshendi: qalqyma zattar, azot dıoksıdi, kúkirt dıoksıdi, kómirtek oksıdi, kúkirtti sýtek, formaldegıd jáne ammıak.
О́lsheý 6 núktede júrgizildi. Olar:
№1 núkte: Qazybek bı kóshesi, Ortalyq alań (t/j vokzaly aýdanynda).
№ 2 núkte: О́rkendeý k-si, Naýryz sh/a, irikteý ýaqyty 14:15.
№ 3 núkte: Qalanyń soltústik bóligi.
№ 4 núkte: E.Moldabaev atyndaǵy orta mektep., Madalıev k-si.
№ 5 núkte: ortalyq aýdandyq aýrýhananyń jany, Jumabaev k-si.
№ 6 núkte: aýdan ákimdiginiń jany, Erkobek k-si.
«Zertteý nátıjeleri boıynsha shekti ruqsat etilgen shoǵyrlanýdan asyp ketý anyqtalǵan joq. Radıasııalyq fonnyń deńgeıi norma sheginde», deıdi sınoptıkter.
Sary fosfor – óte ýly (aýadaǵy ShRK 0,0005 mg/m3), spesıfıkalyq sarymsaq ıisti zat. Sýda erimeıdi, aýada tez totyǵady jáne fosfor oksıdiniń aq tútinin túzip, ózdiginen janady.
