«Tokıodaǵy Olımpıada oıyndaryna Qazaqstannan 93 sportshy qatysty. Jeńiske degen erik-jiger men sheberlikti kórsetken sportshylarǵa alǵys aıtamyn. Olımpıadanyń qola júldegerlerin quttyqtaımyn, bul olardyń kóp kúndik qajyrly jattyǵýlarynyń áserli nátıjesi», dep jazdy Memleket basshysy Twitter paraqshasynda.
Sondaı-aq, Prezıdent ulttyq komandanyń qorytyndy nátıjesi – 8 qola medal jáne jalpy komandalyq esepte 83-shi oryn - Qazaqstannyń sporttyq áleýetine jáne memleket sportty damytýǵa qosqan qomaqty qarajatyna sáıkes kelmeıtinin qosty.
Qasym-Jomart Toqaev Parıjde ótetin kelesi oıyndarda azamattarymyzdyń úmitin aqtaıtyn nátıjelerdi kórsetý úshin Tokıo Olımpıadasynan durys sabaq alý qajettigin atap ótti.
«Ulttyq quramanyń Olımpıadada óner kórsetýi sport sııaqty mańyzdy saladaǵy shuǵyl, tıimdi reformalardyń paıdasyn kórsetedi. Buqaralyq jáne balalar sportyn damytýǵa nazar aýdaryp, osy negizde álemdik arenada kórnekti tabystarǵa jetýge umtylý kerek», dep túıindedi Prezıdent.
