«Búgin Qazaqstan halqy úshin erekshe kún. Shynynda da, bul kúni biz uly Abaıdyń tulǵasyna qurmet kórsetemiz, kórnekti aqynnan rýhanı qoldaý tabamyz. «Birińdi qazaq biriń dos, Kórmeseń, istiń bári bos», deıdi aqyn. Bizdiń paryzymyz - Abaıdyń osy ósıetin oryndaý. Abaı biz úshin úlken rýhanı tirekke aınaldy. Sondyqtan qazaq halqyna uly Abaıdy syılaǵan Alla Taǵalaǵa alǵys aıtamyz», dedi Qyrymbek Kósherbaev uly aqyn eskertkishine gúl shoqtaryn qoıǵannan keıin.
Gúl qoıý rásimine Prezıdent Ákimshiligi Basshysynyń birinshi orynbasary Dáýren Abaev, Bilim jáne ǵylym mınıstri Ashat Aımaǵambetov, Mádenıet jáne sport mınıstri Aqtoty Raıymqulova, Nur-Sultan qalasynyń ákimi Altaı Kólginov, elimizdiń barlyq aımaqtarynan memlekettik organdar men qazaq zııalylary qatysty.
Aıta keteıik, búgin, 10 tamyz - Abaı kúni.
