AQSh prezıdenti Djo Baıden Ádilet mınıstrliginiń 20 jyl buryn bolǵan terrorlyq árekettiń qujattamalaryn qaıta qaraý týraly sózine túsinikteme berdi.
Onyń aıtýynsha, AQSh qoǵamy men adamzat tarıhyndaǵy eń úlken terrorlyq shabýyldyń belgisiz bólshekterinen halyq habardar bolýy úshin, bul istiń «qupııalyǵyn» joıý kerek.
Buǵan deıin, qaza bolǵandardyń otbasylary Baıdenge shart qoıǵan bolatyn. Eger ol tıisti qujattardy jarııa etpese, halyq prezıdenttiń terrorlyq shabýyldy eske alýǵa arnalǵan is-sharalarǵa qatysýyna narazy bolmaq.
AQSh turǵyndary bul qaǵazdarda Nıý-Iorktegi egiz munaralarǵa qulaǵan ushaqtardy basyp alýǵa Saýd Arabııasy bıliginiń qatystylyǵy týraly aqparat bolýy múmkin dep esepteıdi. Sebebi, qulaǵan ushaqtardyń biri Pentagondy soqqan.
Kongressvýmen Týlsı Gabbard Saýd Arabııasynyń 2001 jylǵy qaıǵyly oqıǵalarǵa qatysy baryn anyqtaýdy talap etken. Onyń pikirinshe, bılik bul másele boıynsha Er-Rııadty «qorǵashtaýy» múmkin. Alaıda, Gabbard qandaı aqparatty talap etetinin naqtylamady.
Kesh júrgizilgen tergeýler boıynsha Er-Rııadtyń shabýyl uıymdastyrýshylaryn qoldaǵany týraly eshqandaı dálel anyqtalmaǵan. Dese de, 19 ushaq urlaýshylardyń 15-i patshalyq azamattary boldy. Al ushaq urlaýshylar tobyn mysyrlyq Mohammed Atta basqarǵan.
