10 tamyz – Abaı kúnine oraı semeılik oqýshylar uly aqynnyń panno portretin jasady. Ol úshin 3000 rýbık tekshesi qajet boldy.
Buǵan deıin oqýshylar Saıası qýǵyn-súrgin qurbandaryn eske alý kúninde Álıhan Bókeıhannyń portretin jasaǵan bolatyn.
«Hakimniń 176 jyldyǵyna oraı balalarmen birigip, onyń panno portretin jasap shyqtyq. Oqýshylar bul portretti 6 saǵatta qurastyrdy. Muqııat qarasańyz, panno pıkselderden turady. Ony tolyq quraý úshin arnaıy baǵdarlama bar. Ol daıyn portretti kýbıktiń tústerine sáıkes rettep qoıyp beredi. Panno portrettiń jalpy salmaǵy 450 kelini quraıdy», dedi «Qazaqstan spıdkýbıng federasııasy» qoǵamdyq birlestiginiń basshysy Arman Mashımov.
Aıta keteıik, Abaıdyń panno portreti Semeıdegi mýzeıge qoıylyp, tamyz aıynyń aıaǵyna deıin kelýshilerdiń nazaryna usynylady.
