Aýdan ákimi jergilikti atqarýshy organdarmen aýdan turǵyndaryn sapaly ınternetpen qamtamasyz etý boıynsha úlken jumys júrgizilip jatqanyn atap ótti.
«NLS Kazakhstan kompanııasymen birlesip shaǵyn aýdan turǵyndaryn joǵary jyldamdyqty ınternetke qosý júrgizilýde. Qazirdiń ózinde 176 abonent qosyldy, kezekte 36 abonent tur», dep habarlady aýdan ákimi.
2021 jyldyń sońyna deıin ınternet-provaıder shaǵyn aýdanda joǵary jyldamdyqty ınternet ótkizýdi josparlap otyr. Qazirgi ýaqytta optıkalyq magıstraldardy salý baǵyttary pysyqtalýda.
«Qazaqtelekom» AQ kompanııasy qyrkúıek aıynda Qaırat shaǵyn aýdanynda ınternet ótkizýdi josparlap otyr. Bul aýdan Kóktaý, Taraz, Aqjamal, Arqar, Jaıaý Musa, Sulýshash, Qorimdik, 11, 12, 13, 14, 15, 16, 17 kóshelerin qamtıdy.
Qaırat shaǵyn aýdanyndaǵy 1200 úıdiń 300-ge jýyǵy «Qazaqtelekom» ınternetine, sondaı-aq NLS Kazakhstan jelilerine 15-ten astam abonent qosyldy.
