Oblystyq polısııa departamenti baspasóz qyzmetiniń aqparatyna qaraǵanda, 26 jastaǵy jigit tartyp alǵan sómkede 60 myń teńge bolǵan.
«Jábirlenýshi áıel men kúdikti jigit «Vokzal mańy» shaǵyn aýdanynan birigip taksı jaldaǵan. Ekeýi bir taksımen «Nursaıa» shaǵyn aýdanyna kelgen. Kólikten túsken soń kúdikti 45 jastaǵy áıeldiń sómkesin tartyp alyp, telefonyn syndyrǵan. Sómkeniń ishinde 60 myń teńge bolǵany anyqtaldy. Meıramhanalardyń biriniń kamerasyna kúdiktiniń áıeldi jerge jyǵyp, sómkesin tartyp alǵan sáti túsip qalǵan» dep habarlady departamenttiń baspasóz qyzmeti.
Qazir 26 jastaǵy kúdikti jigit ustaldy. Oǵan qatysty QR Qylmystyq Kodeksiniń 191-babynyń 2-bóligi, 1-tarmaǵymen sotqa deıingi tergeý bastaldy.
