Bilim • 11 Tamyz, 2021

15 myńǵa jýyq elordalyq oqýshy materıaldyq kómek alady

11 tamyzdan bastap elordada jyl saıynǵy jalpyǵa birdeı mindetti orta bilim berý baǵdarlamasy bastalady. Onyń aıasynda belgili bir sanattaǵy oqýshylarǵa mektep kıimin, aıaq kıimin jáne oqý kerek-jaraqtaryn satyp alýǵa materıaldyq kómek kórsetiledi, dep habarlaıdy Egemen.kz elorda ákimdiginiń resmı saıtyna silteme jasap.

Botakóz BAQBERGEN

Kórsetiletin kómek mólsheri 40 myń teńgeni quraıdy. О́tken jyly atalǵan baǵdarlama aıasynda 13 245 oqýshy oqý jabdyqtarymen qamtyldy. Bıyl 15 myńǵa jýyq oqýshyny jańa oqý jylyna daıarlaý josparlanýda.

Jalpy oqytý sheńberinde kómek kelesi sanattaǵy oqýshylarǵa kórsetiledi:

Memlekettik ataýly áleýmettik kómek (AÁK) alýǵa quqyǵy bar otbasylardan shyqqan balalarǵa;
Memlekettik ataýly áleýmettik kómek almaıtyn, jan basyna shaqqandaǵy tabysy eń tómengi kúnkóris deńgeıinen tómen otbasylardan shyqqan balalarǵa;
Jetim balalarǵa jáne ata-anasynyń qamqorlyǵynsyz qalǵan, otbasylarda turatyn balalarǵa;
Tótenshe jaǵdaılardyń saldarynan shuǵyl járdemdi talap etetin otbasylardan shyqqan balalarǵa;
Bilim berý uıymynyń alqaly organy aıqyndaıtyn ózge de sanattaǵy bilim alýshylar men tárbıelenýshilerge.

Bıylǵy jyldyń jańalyǵy - kómek «Atameken» О́KP usynǵan BMC Sales sıfrlyq platformasy arqyly kórsetiletin bolady, onda jeke nómiri kórsetilgen arnaıy kartalar paıdalanylatyn bolady.

Áleýmettik birlikterdiń qozǵalysyn jeke kabınetterde alýshylar, áleýmettik pedagogtar, kásipkerler jáne baǵdarlama ákimshileri qadaǵalaıdy, bul qarajattyń ashyqtyǵy men maqsatty paıdalanylýyn qamtamasyz etedi.

«Atameken» UKP-men birlesip, qatysýshylar-kompanııalar men saýda núkteleriniń sany artty. Eger ótken jyly baǵdarlamaǵa 16 kompanııa jáne 27 núkte qatyssa, bıyl 18 kompanııa jáne 30 saýda núktesi qatysýǵa nıet bildirdi.

Qazirgi ýaqytta mektepter balalardyń derekqoryn avtomattandyrylǵan júıege toltyrý boıynsha jumys júrgizýde, aqparat mártebeniń jańartylýyna jáne rastalýyna qaraı engiziledi.

Jalpyǵa mindetti oqytý sheńberinde kómek alýǵa ótinish berý úshin ata-analar bala oqıtyn mektepke júginýi qajet.

О́tinishti mekteptiń alqaly organy 15 kúntizbelik kún ishinde qaraıdy.

Baǵdarlama 11 tamyzda bastalyp, 31 qazanda aıaqtalady.

Sonymen qatar, elorda oqýshylaryna «Mektepke jol» dástúrli aksııasy aıasynda da kómek kórsetiletin bolady. 2021 jyldyń basynan bastap 3 648 oqýshy kómek aldy, barlyǵy 7 myńǵa jýyq balany qamtý josparlanýda. Sonymen qatar, aýdandyq ákimdikter 2 100 balaǵa kerek-jaraqtary bar mektep rıýkzaktaryn tabystaıdy.

Aksııa aıasynda kómek alý úshin «Meniń Atamekenim» portalynyń «Mektepke jol» betine ótinim berý qajet.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz