Polısııa qyzmetkerleri habarlaǵandaı, 2020 jyldyń tamyz aıynda Nur-Sultannyń 27 jastaǵy turǵyny bıznestegi úlesin berý syltaýymen Aqtóbedegi munaı kompanııalarynyń biriniń ekonomısine tıesili 3 mıllıon teńgeni ıemdengen.
Sondaı-aq alaıaqtyqtyń taǵy bir jaǵdaı tirkeldi. 43 jastaǵy áıel polısııaǵa júginip, tanysy ony aldaǵanyn aıtqan. Jábirlenýshiniń aıtýy boıynsha, tanysy oǵan qurylys materıaldaryn jetkizýge ýáde berip, 3 mıllıon teńge kólemindegi qarajatyn alyp alǵan. Alaıda, ol qurylys materıaldaryn da, aqshasyn da qaıtarmaǵan.
Atalǵan faktiler boıynsha QR QK 190-baby «Alaıaqtyq» boıynsha sotqa deıingi tergeý amaldary júrgizilýde.
«Kóptegen azamattar paıda tabý úshin qarapaıym qaýipsizdik sharalaryn umytyp ketedi. Mundaı jaǵdaılarda azamattar óte muqııat bolý kerek, notarıaldyq resimdeýsiz aqshalaı operasııalar jasamaý kerek», dedi Aqtóbe oblysy PD bastyǵy Atyǵaı Arystanov.
