Aımaqtar • 11 Tamyz, 2021

Aqtaýda qoǵamdyq kólikterge Ashyq júıesi engiziledi

210 ret

kórsetildi

1 mın

oqý úshin

Ashyq júıesi Aqtaý qalasyndaǵy qoǵamdyq kólikterge engiziledi, dep habarlaıdy Egemen.kz.

Gaýhar QAPASh

Aqtaýda qoǵamdyq kólikterge Ashyq júıesi engiziledi

Bul týraly inaktau.kz saıty málimdedi. Ashyq arqyly otyrǵyzýy qajet ekeni týraly Mańǵystaý oblysynyń ákimdigi habardar etken. Avtobýs kireberisinde jolaýshy óziniń «jasyl» nemese «kók» mártebesin rastaýy kerek.

«18 jasqa deıingi balalarǵa tekserýden ótýdiń qajeti joq. Avtobýsqa «qyzyl» jáne «sary» mártebesi bar adamdar kirgizilmeıdi», delingen Caspiy avtopark habarlamasynda.

№107 marshrýt boıynsha qyzmet kórsetetin kompanııa ókilderi ázirshe jańa talaptardy «qoldanyp kórip» jatqanyn aıtty.

«Búginnen bastap kólik Ashyq júıesinde jumys isteıdi. Biz algorıtmdi ázirlegende, prosesti qalaı yńǵaıly uıymdastyrýǵa bolatynyn qarastyramyz. Zamanaýı smartfondary nemese Interne joqtar JSN arqyly tekseriledi. Biz eshkimdi kóshede qaldyrmaımyz, bári avtobýsqa otyra alady», dedi kompanııanyń operasııalyq jetekshisi Jánibek Mıralıev.

Basylym málimetinshe, №107 marshrýtta 8 avtobýs bar. Olarda keptelis ýaqytynda jolaýshy kóp bolady. Sondyqtan Ashyq arqyly ótý júıesi is júzinde qalaı jumys isteıtinin aıtý qıyn.