Mundaı buryshtarda kompıýteri nemese ınternetke kirý múmkindigi joq azamattar memlekettik qyzmettermen óz betinshe onlaın paıdalana alady. Qyzmet alýshylardyń suraqtary týyndaǵan jaǵdaıda, buryshtardyń janynda Memlekettik korporasııanyń qyzmetkerleri keńes berip otyrady.
Buryshtar aýdandyq ákimdikterdiń, memlekettik kirister basqarmalarynyń ǵımarattarynda, «Januıa» otbasyn qoldaý ortalyǵynda jáne «Saryarqa» SOO aýmaǵynda ornalasqan. Bul turǵyndardyń kópshiligin elektrondyq memlekettik qyzmettermen qamtýǵa múmkindik beredi jáne HQKO janyndaǵy ózine-ózi qyzmet kórsetý aımaǵyna júginýshilerdiń júktemesin azaıtýǵa úles qosady.
«Bizdiń sıfrlyq buryshtarymyz HQKO-larda adamdardyń kóptep jınalýyn boldyrmaý úshin jasalynǵan. Pandemııa jaǵdaıynda, klıentterdi qabyldaý tek bron arqyly júzege asyrylatyn bolsa, Egov sıfrlyq buryshtary qandaı da bir sebeptermen kompıýterge kire almaıtyn adamdarǵa memlekettik qyzmetterdi alýǵa kómektesedi. Bul óte yńǵaıly. Sonymen qatar qazir joǵary oqý oryndaryna túsý kezeńi. Sondyqtan biz joǵary oqý oryndarynyń aýmaǵynda sıfrlyq buryshtardy iske qosýdy da josparlap otyrmyz», dedi «Azamattarǵa arnalǵan úkimet» memlekettik korporasııasynyń elordalyq fılıalynyń dırektory Mádı Sadanov.
