Vedomstvo ókiliniń aıtýynsha, Qazaqstanda oqýshylardyń bilim jetistigin baǵalaý jónindegi halyqaralyq baǵdarlama (PISA) zertteý júrgizgen. Onyń qorytyndysy bilim sapasy tek qala men aýyl oqýshylarynyń arasynda ǵana emes, óńirler arasynda da ártúrli ekenin kórsetken.
«Mysaly, Qyzylorda, Mańǵystaý, Aqtóbe oblystarynda qala mektepteriniń kórsetkishteri Pavlodar, Qostanaı, Soltústik jáne Shyǵys Qazaqstan oblystaryndaǵy aýyl mektepterinen tómen. Al Pavlodar, Qostanaı men Shyǵys Qazaqstan oblystarynda qalalyq jáne aýyldyq mektepter arasyndaǵy bilimde alshaqtyq kórinip otyr. Sondyqtan óńiraralyq jáne aýyl men qala mektepterindegi bilim sapasyndaǵy alshaqtyqty azaıtý – «BILIMDI ŪLT» Ulttyq jobasyndaǵy negizgi maqsattyń biri», dedi Sh.Karınova.
