Alqoǵamdyq kólikter demalys kúnderi de júreberetin boldy. О́ńirde epıdemııalyq ahýal kúrdeli bolyp turǵanyna qaramastan, oblystyń bas sanıtarlyq dárigeriniń orynbasary Vladımır Nechıtaılo burynǵy qaýlyǵa karantın talaptaryn jeńildetý týraly birqatar ózgertýler engizdi.
Sonymen, 12 tamyzdan bastap «Ashyq» qosymshasyn qoldanatyn qoǵamdyq tamaqtaný oryndaryna kún saıyn tańǵy 7.00-den 2:00-ge deıin jumys isteýge ruqsat berildi. Qostanaılyqtardy qýantqan taǵy bir jaǵymdy jańalyq, demalys kúnderi qoǵamdyq kólikter toqtamaıdy. Halyqqa qyzmet kórsetý ortalyqtary men «Qazposhta» bólimsheleri de shekteýsiz jumys isteıtin bolady.
«Ashyq» jobasyna qatysatyn ashyq bazarlar senbi, jeksenbi kúnderi saǵat 10:00-den 17:00-ge deıin ashyq turady. «Ashyǵy» bar basseın, saýna, termopark jáne fıtnes-ortalyqtary qalypty keste boıynsha jumys isteıdi, alaıda akvaparkterge turǵyndardy qabyldaýǵa tyıym salynǵan.
Sondaı-aq, saýda ortalyqtary da «Ashyq» qosymshasyn paıdalanǵan jaǵdaıda kúnuzaq qalypty keste boıynsha jumys isteı beredi. Mundaı jeńildik oıyn-saýyq oryndaryna da berilip otyr. Basty shart – bári «Ashyq» qosymshasy arqyly kelýshilerdiń mártebesin tekserip otyrýy kerek. Máselen, «Ashyq» ornatqan boýlıng-klýb, karaoke, bılıard zaldary saǵat 12:00-den tún jarymǵa deıin jumys isteı alady.
Alaıda bıznes-nysandardyń kópshiligine berilip jatqan múmkindikten azyq-túlikke jatpaıtyn taýarlar saýdasymen aınalysatyn shaǵyn dúkender qaǵylyp qalyp otyr. Olar burynǵysha 18:00-ge deıin ǵana jumys isteı alady.
