«Qazir balalardyń koronavırýsty jeńil qabyldaıtyny anyqtaldy, biraq 6-12 aıdan keıin kópshiliginde postkovıdti sındrom paıda bolady. Ol kez kelgen organǵa áser etedi ári óte aýyr ótedi. Sondyqtan ata-analar barynsha saq bolýy kerek», deıdi F.Aǵybaeva.
Maman jas naýqastarda aýrýdy dıagnostıkalaýdyń qıyndyǵy týraly aıtty.
«Kóbinese syrqattanǵan balalardyń qanynda vırýs juqtyrǵanyn kórsetetin M ımmýnoglobýlınin tappaımyz. Al biraz ýaqyttan keıin aǵzada qorǵanysh deneleri paıda bolady, bul ádette koronavırýstan jazylǵan kezde bolatyn qubylys», dep atap ótti dáriger.
Onyń aıtýynsha, koronavırýstyń «delta» shtamy vaksına almaǵan jastar arasyna kóbirek taralyp jatyr. Vırýs juqtyrǵandardyń 37%-y - 20 men 40 jas aralyǵyndaǵy azamattar. Bir jasqa deıingi jáne sozylmaly patologııasy bar balalar da jıi aýyra bastaǵan.
«Koronavırýs balalarǵa ata-anasynan juǵýy múmkin. Sondyqtan balalardyń qoǵamdyq oryndarǵa barýyn shekteý kerek. Olardy ózińizben dúkenge aparmańyz jáne qoǵamdyq kólikpen sırek júrińiz. Qazir koronavırýsqa qarsy vaksına alý mańyzdy, bul balalarǵa qaýipsiz orta qalyptastyrý úshin kerek», deıdi dáriger.
