«Bas memlekettik sanıtarlyq dárigerdiń qaýlysy bar. Onda vaksınanyń árbir túrine spesıfıkalyq qarsy kórsetilimder qarastyrylǵan. Jıi qaıtalanatyn negizgi syrtqy uqsastyqtar - sozylmaly aýrýlar, obstrýktıvti, bronh demikpesi, allergııalyq aýrýlar, vaksına quramyna kiretin komponentterdiń kem degende bireýine allergııanyń bolýy», dedi Maral Rahymjanova.
Basqarma basshysy aýyr allergııalyq reaksııa, júktilik jáne bala emizý kezeńi vaksınaǵa qarsy medısınalyq kórsetilim bolyp otyrǵanyn eske saldy.
Jasóspirimder jaıyna keletin bolsaq, elimizde 18 jasqa tolmaǵandarǵa salyp synalǵan vaksına ázirge bolmaǵandyqtan, kámeletke tolmaǵandarǵa vaksına salynyp jatqan joq.
«Vaksınanyń ekinshi komponentin engizý boıynsha jeke qarsy kórsetilimder bar. Olar: vaksınasııanyń birinshi komponentinen keıingi aýyr asqynýlar, anafılaktıkalyq shok, aýyr allergııalyq reaksııalar, konvýlsııalyq sındrom», dep naqtylady spıker.
