Qaıǵyly jaǵdaı Qumshaǵal beketinde oryn alǵan.
Taraz stansııasy jelilik polısııa ókilderiniń aıtýynsha, qyzdyń anasy temirjolda turǵan vagondardyń astynan ótpek bolǵan. Sol mezette poıyz qozǵalyp ketip búldirshindi basyp ketken. Aýyr dene jaraqattaryn alǵan sábı oqıǵa ornynda kóz jumdy. Balanyń anasymen psıhologtar jumys istep jatyr.
Atalǵan fakti boıynsha qylmystyq is qozǵaldy.
«Bul fakti boıynsha QR Qylmystyq kodeksiniń 344-babynyń 2-bóligi, ıaǵnı temirjol kóliginiń qozǵalys jáne paıdalaný qaǵıdalaryn buzý boıynsha sotqa deıingi tergeý amaldary bastaldy. Qazirgi ýaqytta is boıynsha qajetti tergeý amaldary júrgizilýde», delingen Kóliktegi polısııa departamenti baspasóz qyzmetiniń habarlamasynda.
