Esil aýdanynda belgilengen ýaqyttan keıin «Panaehalı» bary men «Opus One» meıramhanasy kelýshilerdi qabyldaǵan. Baıqońyr aýdanynda ornalasqan «Zeıd» demalys klýbynda karantın shekteýleriniń saqtalmaǵany anyqtaldy.
Jumys rejıminiń buzylýy Almaty aýdanynyń taǵy 5 mekemesinde – «Panachı» barynda, «Plov sentr» kafesinde, «Alanııa» túngi klýbynda, «Tema» kompıýterlik klýbynda jáne «Doner» kafesinde tirkeldi.
Tártip buzýshylarǵa qatysty jınalǵan barlyq materıaldar ákimshilik sıpattaǵy sharalar qabyldaý úshin sanıtarlyq-epıdemıologııalyq baqylaý salasyndaǵy ýákiletti organǵa berildi.
Esterińizge sala keteıik, Nur-Sultan qalasyndaǵy epıdemıologııalyq jaǵdaı turaqsyz bolyp qalýda, koronavırýspen aýyratyndar sany ósýde. Kún saıyn kovıdtik aýrýhanalarǵa aýrýdyń ortasha jáne aýyr aǵymy bar ondaǵan naýqas túsedi. Elorda turǵyndary men qonaqtary sanaly túrde sannormalar men shekteý sharalaryn qatań saqtaýy, adamdar kóp jınalatyn oryndardan aýlaq bolýy jáne óz densaýlyǵy men aınalasyndaǵylardyń qaýipsizdigin saqtaý úshin vaksınasııalanýy tıis.
