Bul týraly Áleýmettik-medısınalyq saqtandyrý qory ShQO boıynsha fılıalynyń dırektory Ǵalymjan Ábilov Aımaqtyq kommýnıkasııalar qyzmetinde ótken baspasóz brıfıngi barysynda málim etti.
«Jyl basynan beri koronavırýsqa qarsy kúreske tartylǵan 35 437 medısına qyzmetkeri ústemeaqy aldy. Aq halattylarǵa 5,2 mlrd teńgeden astam ústemeaqy tólendi. Aıta ketý kerek, 1 qazannan bastap indetpen kúreske jumyldyrylǵan medısına qyzmetkerlerine ústemeaqy tóleýdi toqtatý týraly buıryq jobasy talqylaný barysynda», dedi ol.
Onyń aıtýynsha, erekshe jáne zııandy eńbek jaǵdaılarynda medısınalyq kómek kórsetetin qyzmetkerlerdi qoldaýdyń júıeli sharalaryna kóshý maqsatynda ústemaqylar mólsherin kezeń-kezeńimen tómendetý usynylǵan. «Tamyzdan qyrkúıekke deıin ústemaqy belgilengen mólsherden 50% berilse, 1 qazannan bastap tólenbeıdi. Bul rette, reanımatolog-anestezıologtar, ınfeksıonıster, reanımatologııa jáne anestezıologııa bólimsheleriniń anestezısteri, epıdemıologtar, psıhologtar jáne MSAK áleýmettik qyzmetkerleri, ıadrolyq medısına ortalyǵynyń mamandary men patologonatomdarǵa ústemeaqy tóleý jalǵasady», dedi fılıal basshysy.
