Qarjylyq barlaý málimetteri boıynsha, qarjy pıramıdasyn uıymdastyrýshylar azamattarǵa World trend Strategies, Confidence World Group, HUBB international, Riviera imperial, Asteco jáne t.b. úlestes kompanııalardyń ınvestısııalyq jobalaryna aqshalaı qarajat salýdy usynǵan.
«О́z kezeginde, bul úlestes kompanııalar zańdy qyzmetten emes, jańa salymshylardyń qarajaty esebinen syıaqy alýǵa kepildik berip otyrǵan.
Sotqa deıingi tergep-tekserý sheńberinde qarjy pıramıdasyn uıymdastyrýshylar shetelde otyryp, qazaqstandyqtarmen beınebaılanys arqyly onlaın kezdesýler ótkizetini, onda jańa klıentterdi tartý múmkindigi, sondaı-aq olardyń zańdy qyzmeti týraly jalǵan aqparat taratatyny anyqtaldy.
Tergeý múddesine oraı ózge aqparat jarııalanýǵa jatpaıdy», delingen habarlamada.
Agenttik azamattarǵa abaı bolýdy jáne óz jınaqtaryn kúmándi qarjy uıymdaryna salmaýdy, sondaı-aq WBC uıymdastyrýshylarynyń jalǵan aqparatyna senbeýdi eskertedi.
«Eger siz nemese sizdiń jaqyndaryńyz «World Business Consulting» qyzmetine tap bolsa, Almaty qalasy ETD telefonyna habarlasýyńyzdy suraımyz +7 775 923 40 90, +7 708 192 28 18.
Basqa qalalardyń turǵyndary QR QMA aýmaqtyq Ekonomıkalyq tergep-tekserý departamentterine júgine alady», dep jazady vedomstvo.
