Aımaqtar • 16 Tamyz, 2021

Almaty kóshelerin sý basty

143 ret kórsetildi

Búgin saǵat 15.00-de Almaty qalasynda jańbyr sýlarynyń kóterilýiniń 10 jaǵdaıy tirkeldi. 5 mekenjaıda sýdy sorý jáne aryqtardy tazartý jumystary jalǵasýda, dep jazady Egemen.kz  qalasy ákimdiginiń resmı saıtyna silteme jasap.

Ákimdiktiń málimeti bolıynsha, qalanyń birneshe jerinde qubyrlardy turmystyq qaldyqtardan tazartyp, jaýyn sýynyń kóterilip ketý qaýpin aldyn alý jumystary júrgizilip jatyr.

«Atap aıtqanda, Medeý aýdanynyń Esenberlın kóshesiniń boıynda, 221 úıdiń janynda sý jınalyp qalǵan. Munda kommýnaldyq uıymdardyń qyzmetkerleri jumys jasaýda, aryq jelisi tazartylýda. Bul tizimde Medeý aýdanynyń Jánibekov kóshesi, 76 mekenjaıy aýlasy da bar. 

Sondaı-aq Almaly aýdanynyń Abaı dańǵyly boıyndaǵy Naýryzbaı batyr kóshesiniń qıylysynda, Muqanov kóshesiniń boıyndaǵy 172 úıdiń janynda, Brýno kóshesi, 1 úıdiń janynda jınalǵan sýlar sorylyp, mamandar tarapynan tıisti jumystar júrgizilip jatyr.

Jetisý aýdanyna qarasty Raıymbek dańǵyly, 265/1 boıynda «Nurym» meıramhanasynyń aýmaǵynda da ınjenerlik kommýnıkasııalar jumys istep jatyr», delingen habarlamada.

Eske salsaq, buǵan deıin TJD 2021 jylǵy 14 tamyzdaǵy №28 eskertýi boıynsha keı jerlerde jaýyn-shashynnyń, betkeılerde kóshkinniń bolýy múmkin ekenin, ózenderde sý deńgeıiniń kóterilgenin aldyn ala habarlaǵan bolatyn.

74 arnaıy tehnıka, 29 motopompa, 167 jumysshy jumyldyryldy. 2 myńǵa jýyq qap ınertti materıaldar daıyndaldy.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar