Qyzylorda oblysy PD esirtki qylmysyna qarsy is-qımyl basqarmasynyń qyzmetkerleri 12 tamyzda «Qarasora-2021» jedel aldyn alý is-sharasyn ótkizý barysynda 53 jastaǵy qala turǵynynyń aýlasynan esirtki ósimdikterin anyqtady.
Tekserý barysynda kúdiktiniń jeke úı aýmaǵynda ózine tán ıisi bar jasyl tústi ósimdikter ósirgeni jáne saqtaǵany anyqtaldy. Sondaı-aq oqıǵa ornynan zattaı dálel retinde ósimdikterdi sýarýǵa arnalǵan 15 metrlik shlang tárkilendi.
Sot saraptamasynyń nátıjeleri boıynsha salmaǵy 15 kg-nan asatyn 23 túp ósimdik mólsherinde alynǵan qarasora, al jasyl tústi ósimdik tektes 329 grammdyq zat - «keptirilgen marıhýana» ekendigi anyqtaldy.
Qazirgi ýaqytta kúdikti ýaqytsha ustaý ızolıatoryna qamalyp, atalǵan fakti boıynsha Qazaqstan Respýblıkasy Qylmystyq Kodeksiniń 300-babynyń 2-bóligi (quramynda esirtki zattary bar, ósirýge tyıym salynǵan ósimdikterdi zańsyz ósirý) boıynsha sotqa deıingi tergeý júrgizilýde.
