Oqıǵa ornynan túsirilgen vıdeo áleýmettik jelilerde tarap ketti. Kadrlarda qaıǵyly jaǵdaı baǵdarshammen retteletin jaıaý júrginshiler ótkelinen shamamen 150 metr qashyqtyqta bolǵanyn kórýge bolady.
Polısııa departamentiniń habarlaýynsha, jol apaty 16 tamyzda saǵat 22.21-de oryn alǵan.
«Toyota Camry markaly avtokóligin basqarǵan 19 jastaǵy júrgizýshi Kenesary kóshesi jaǵynan Respýblıka dańǵylymen kele jatyp, 51 jastaǵy jaıaý júrginshini qaǵyp ketti. Ol kólik quralynyń qozǵalysy boıynsha joldyń júrý bóligin ońnan solǵa qaraı, belgilenbegen jerde kesip ótken», dep habarlady departamentten.
Jol-kólik oqıǵasy saldarynan jaıaý júrginshi alǵan jaraqatynan oqıǵa ornynda kóz jumdy.
Atalǵan fakti boıynsha anyqtaý júrgizilýde.
Polıseıler qala turǵyndaryn jolda qyraǵy bolýǵa jáne jol qozǵalysy erejelerin múltiksiz saqtaýǵa shaqyrady.
