Júrgizýshiniń qujattardy tekserý kezinde 2018 jyly sot sheshimimen 30 jastaǵy azamat kólikti mas kúıinde júrgizgeni úshin kólik quralyn basqarý quqyǵynan aıyrylǵany anyqtaldy. Alaıda, jazaǵa qaramastan, júrgizýshi mas kúıinde kólikti qaıta tizgindegen.
Atalǵan fakti boıynsha tártip buzýshy polısııa basqarmasyna jetkizilip, avtokólik kommýnaldyq turaqqa qamaldy. Kúdiktige qatysty QR QK-niń 346-baby «Kólik quraldaryn júrgizý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy» boıynsha tergeý júrgizilýde.
Polısııa 2020 jyldyń qańtarynan bastap alkogol, esirtki jáne toksımanıkalyq mas kúıinde kólik júrgizý quqyǵynan aıyrylǵan júrgizýshilerdiń kólik quralyn basqarǵany úshin sanksııalar kúsheıtilgenin eske saldy.
Polısııa vedomstvosynyń basshysy Erjan Sadenov atap ótkendeı, jyl basynan beri Nur-Sultanda buryn kólik quraldaryn basqarý quqyǵynan aıyrylǵan 40 azamat mas kúıinde kólik júrgizgeni úshin qylmystyq jaýapkershilikke tartyldy.
О́tken jyly QR QK 346-baby boıynsha 45 júrgizýshi qylmystyq jaýapkershilikke tartyldy.
