Álem • 17 Tamyz, 2021

Germanııa vaksınanyń úshinshi dozasyn egýdi bastady

49 ret kórsetildi

Germanııada koronavırýsqa qarsy ımmýnıteti tómen halyqqa vaksınanyń úshinshi dozasyn salý naýqany bastaldy, dep habarlaıdy Egemen.kz The Local-ge silteme jasap.

Bul topqa birinshi kezekte qarttar úıiniń turǵyndary, ımmýn tapshylyǵy bar adamdar jáne 80 jastan asqan adamdar jatady. Sebebi atalǵan turǵyndardyń koronavırýs ınfeksııasynan qaıtys bolý qaýpi joǵary.

Vaksınanyń úshinshi dozasyn alý úshin ekinshisinen keıin az degende alty aı ótýi kerek.  

Bavarııanyń densaýlyq saqtaý mınıstri Klaýs Holoschek aımaqtaǵy dárigerler men vaksınasııa ortalyqtary osy aptada qosymsha COVID-19 vaksınasııasyn usynatynyn aıtty. Sonymen birge Germanııanyń federaldy shtattary úkimeti qyrkúıekten bastap vaksınanyń úshinshi dozasy salýdy bastaýǵa kelisti. Qazir eldiń kóptegen aımaǵynda naýqanǵa daıyndyq júrip jatyr.

Úshinshi doza retinde Pfizer / BioNTech nemese Moderna vaksınasy salynýy múmkin. AstraZeneca nemese Johnson&Johnson sııaqty vektorlyq vaksınany alǵan adamdar da alýǵa quqyly bolady.

Buǵan deıin DDSU basshysy revaksınasııaǵa moratorıı jarııalaýǵa shaqyrǵan bolatyn. Osyǵan qaramastan, Izraıl bes aıdan astam ýaqyt buryn ekinshi dozany alǵan, 60 jastan asqan barlyq turǵynǵa vaksınanyń úshinshi dozasyn egýdi bastady. Shilde aıynyń sońynda Izraıl prezıdenti Ishak Gersog pen onyń áıeli úshinshi dozany aldy.

Sońǵy jańalyqtar

Uqsas jańalyqtar