Qazaqstan • 17 Tamyz, 2021

Pavlodar oblysynda qos azamattyǵy bar 46 adam jaýapqa tartyldy

227 ret kórsetildi

Pavlodar oblysynda qos azamattyǵy bar 46 adam anyqtaldy, dep habarlaıdy Egemen.kz  Polisia.kz saıtyna silteme jasap.

Jelezın aýdandyq soty Qazaqstan Respýblıkasynyń Azamattyq týraly zańnamasyn buzǵan Reseı Federasııasynyń 46 azamatyna qatysty ákimshilik isti qarady.

«Qazaqstan Respýblıkasynyń azamattyǵy týraly» Zańnyń 21-babyna sáıkes, eger adam basqa memlekettiń azamattyǵyn alǵan bolsa, onyń azamattyǵy joıylady. Budan basqa, Qazaqstan Respýblıkasynyń azamaty bolyp tabylatyn jáne shet memlekettiń azamattyǵyn qabyldaǵan adam ózge azamattyqty alǵan kúnnen bastap kúntizbelik 30 kún ishinde sheteldik azamattyqty alý faktisi týraly Qazaqstan Respýblıkasynyń Ishki ister organdaryna nemese Qazaqstan Respýblıkasynyń shet elderdegi mekemelerine habarlaýǵa jáne Qazaqstan Respýblıkasynyń pasporty men jeke kýáligin tapsyrýǵa mindetti.

Osylaısha, Jelezın aýdanynyń polısııa bóliminiń qyzmetkerleri 16 tamyzda Reseı Federasııasy azamattarynyń ótken jyldyń qarasha aıynda Reseı azamattyǵyn alǵan Qazaqstan Respýblıkasynyń azamattyǵy týraly zańnamasyn buzýdyń 2 faktisin anyqtady.

Quqyq buzýshylarǵa qatysty QR ÁQBtK-niń 496-baby 2-bóligi boıynsha ákimshilik materıaldar qozǵalyp, sotta qaraldy. Sot otyrysynda zań buzýshylar kinásin tolyq moıyndady. Sheteldikterden Qazaqstan Respýblıkasy azamatynyń jeke kýáligi men pasporty alyndy, Qazaqstan Respýblıkasynyń azamattyǵyn joǵaltý tirkeldi. Quqyq buzýshylardyń biri 200 AEK (408 myń teńgeden astam) mólsherinde ákimshilik aıyppul túrinde ákimshilik jazaǵa tartyldy, al ekinshisi Qazaqstan Respýblıkasy aýmaǵynan shyǵaryldy.

«Azamattar ártúrli elderde belgilengen áleýmettik, zeınetaqy jáne basqa da jeńildikterdi paıdalaný úshin azamattyqty ózgertý faktisi týraly habarlaýǵa asyqpaıdy. Quqyq buzýshylar óz is-áreketterin ishki ister organdaryna sheteldik azamattyqty alý faktisi týraly habarlaýdy úlgermegendigimen nemese umytyp ketkendigimen syltaý aıtady», dedi Pavlodar oblysy Jelezın aýdandyq polısııa bóliminiń Kóshi-qon qyzmetiniń aǵa ınspektory Anastasııa Sklıarova.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar