Álem • 17 Tamyz, 2021

Shrı-Lanka densaýlyq saqtaý mınıstri jalǵan aqparat úshin qyzmetten bosatyldy

1 mın

oqý úshin

Shrı-Lanka Densaýlyq saqtaý mınıstri COVID-19-ǵa qarsy «baqsylyqty» maquldaýyna baılanysty qyzmetinen bosatyldy, dep habarlaıdy Egemen.kz.

Gaýhar QAPASh

Shrı-Lanka densaýlyq saqtaý mınıstri jalǵan aqparat úshin qyzmetten bosatyldy

Shrı-Lanka prezıdenti Gotabaıa Radjapaksa densaýlyq saqtaý mınıstri Pavıtra Vannarachchıdi qyzmetinen bosatty, ol COVID-19-ben kúresý úshin «baqsylyq pen qasıetti sýdy» kópshilik aldynda maquldaǵan.

Vannıarachchı qańtarda baqsydan alǵan «qasıetti sýdy» koronavırýs ınfeksııasynan qorǵaý úshin kópshilik aldynda qoldanǵan. Alaıda, ol COVID-19 juqtyryp, emhanalardyń biriniń jansaqtaý bóliminde emdelgen. Sonymen qatar Vannıarachchı Shrı-Lankadaǵy COVID-19 epıdemııasyn toqtatýǵa kómektesedi dep «qasıetti sýdy» ózenge quıǵan.

Vannıarachchı basshylyǵyndaǵy mınıstrlik vırýs órship turǵanda durys jumys jasamaǵany úshin qatty synǵa ushyrady.

Vannıarachchı úkimette qalyp, Kólik mınıstrligin basqarady. Prezıdent keńsesi densaýlyq saqtaý mınıstri bolyp, burynǵy buqaralyq aqparat mınıstri Kehelııa Rambýkvela saılanǵanyn aıtty.

Epıdemııa kezinde elde vırýs juqtyrǵandar sany 355 myń boldy, 6 096 adam vırýsttan qaıtys boldy.

Eske salaıyq, Shrı-Lankada 16 tamyzdan bastap COVID-19 taralýyna baılanysty qatań karantın engizilgen. Turǵyndarǵa saǵat 10:00-den 16:00-ge deıin úılerinen shyǵýǵa tyıym salyndy.