Sport • 17 Tamyz, 2021

Ortalyq Azııanyń MMA juldyzdary Almatyda bas qosady

69 ret kórsetildi

Erteń Almatyda aralas jekpe-jekten Alash Pride Grand Prix 67 týrnıri ótedi. Bul dodaǵa tek Qazaqstannyń MMA sportshylary ǵana emes, alys-jaqyn shetelden de eń myqty degen faıterler keledi, dep jazady Egemen.kz.

Epıdemologııalyq jaǵdaıdyń kúrdeligine baılanysty eki ret osy týrnırdi keıinge shegerilgen edi. Týrnır alǵashynda 7 tamyzda ótedi dep josparlanǵan bolatyn. Alaıda 2 tamyzdan beri Almaty qalasynda lokdaýn jarııalandy. Búgingi kúni de jaǵdaı kúrdeli. Sondyqtan týrnırge kórermen kirgizilmeıdi. Degenmen baıraqty básekeni QAZSPORT telearnasy tikeleı efırde kórsetedi.

Alash Pride promoýterlik klýbynyń prezıdenti Danııar Qasqaraýovtyń aıtýynsha, Alash Pride Grand Prix 67 týrnırinde reıtıngtik jekpe-jekter úshin segiz buryshqa Maqsat Esbolatov, Serik Tlekeev, Ǵalymjan Qanaev, Baýyrjan Qalmurzaev (bári de – Qazaqstan), Boby Qurbanov, Azamat Nýftıllaev, Bobyrjon Abdýlazızov, Mýrodjon Ahmedov, Jánibek Nomozov (bári de – О́zbekstan), sondaı-aq Mederbek Nurmamatuly (Qyrǵyzstan) qatysady.

1

Al Grand Prix júldesin jekpe-jek túrleri boıynsha halaqaralyq týrnırdiń jeńimpazdary ózara sarapqa salady. Qazaqstannan – Erasyl Shuqataev (9-2), Erjan Shapaýov (4-0), Tımýr Japarov (5-2-1), Erzat Shashýbaev (debıýt) baq synasa, Qyrǵyzstannan – Qylym Altymyshuly (3-0), Argent Maratbekuly (16-9), Baıaman Joldýbekov (3-0), Aqylbek Ysmanalıev (3-0) qatysady. О́zbekstan namysyn Shýhrat Orınboev (4-0), Jasýr Karımov (6-3), Lazızhon Ýzbekov (debıýt), Isroıljon Rasýlov (debıýt) qorǵaıdy.

Arýlardan qazaqstandyq Zámzágúl Faızollanova men ózbekstandyq Komoldınova arasynda jekpe-jek ótedi.

– Zámzágúl – óziniń myqtylyǵyn birneshe ret dáleldegen tájirıbeli sportshy. Al ózbekstandyq qarsylasy úshin bul jekpe-jek MMA-daǵy alǵashqy judyryqtasýy bolmaq. Faızollanovanyń sheberligine kúmándanýdyń qajeti joq. Biraq tájirıbe men jastyqtyń qaısysy alǵa shyǵatynyn ýaqyt kórsetedi. Zámzágúl uzaq úzilisten keıin segiz buryshqa oralyp otyr. Sondyqtan debıýtantpen básekede óziniń jaýyngerlik daıyndyǵy men jeńiske degen umtylysyn barynysha kórsetý kerek bolady, – dedi Danııar Qasqaraýov.

Esterińizge salsaq, ALASH PRIDE – Qazaqstandaǵy MMA boıynsha eń iri sporttyq uıym. Osyǵan deıin 40-tan astam ár túrli týrnır ótkizgen.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar