Búldirshin 30 shilde kúni «Asar» shaǵynaýdanyndaǵy balalar aýrýhanasyna aýyr jaǵdaıda jedel járdem qyzmetimen jetkizilgen.
Naýqas bala bes kúndeı jansaqtaý bóliminde jatyp, alynǵan synama nátıjesinde kavasakı tárizdes sındrom anyqtalǵan edi. Aq halattylar qaýipti ınfeksııaǵa shaldyqqan balany emdeý úshin tıisti em-dom sharalaryn júrgizip, aıaǵynan turǵyzdy.
Dárigerler qaýipti ınfeksııa koronavırýstyń asqynýynan paıda bolatynyn aıtady.
«Der kezinde dıagnozyn qoıyp, em taǵaıyndaý arqasynda balanyń beti beri qarady. Ony 5 kúndeı jansaqtaý bóliminde, odan keıin taǵy 5 kún bólimshede qadaǵalap, jaǵdaıynyń jaqsarǵan soń úıge ambýlatorlyq baqylaýǵa shyǵardyq», dedi Shymkent qalalyq balalar klınıkalyq aýrýhanasy bas dárigeriniń emdeý isi jónindegi orynbasary Qalamqas Daýmbaeva.
Qaýipti dertten aıyqqan búldirshin endi jergilikti emhana dárigerleriniń baqylaýynda bolady.
