Kezdesý barysynda orman sharýashylyǵy salasyndaǵy yntymaqtastyq jáne Aral teńiziniń qurǵaǵan túbine sekseýil egý máseleleri talqylandy.
Sonymen qatar, M.Myrzaǵalıev Qazaqstan Prezıdentiniń ekologııalyq jaǵdaıdy jaqsartý maqsatynda Aral teńiziniń qurǵaǵan túbinde 2025 jylǵa deıin sekseýil otyrǵyzý arqyly fıtomelıorasııalyq jumystar júrgizý mindetin qoıǵanyn atap ótti. Koreıany osy jumysqa qatysýǵa shaqyrdy. Koreı tarapy da bul jobaǵa qoldaý kórsetýge daıyn ekenin bildirdi.
Kezdesý sońynda QR Ekologııa, geologııa jáne tabıǵı resýrstar mınıstrligi men Azııa orman sektoryndaǵy yntymaqtastyq uıymy (AfoCO) arasynda orman sektoryndaǵy yntymaqtastyq jónindegi Memorandýmǵa qol qoıyldy.
Onyń basty maqsaty - Qazaqstanda orman sharýashylyǵy qyzmetkerlerin oqytý jáne kásibı daıarlaýdyń óńirlik ortalyǵyn, sondaı-aq Ortalyq Azııadaǵy AFoCO ókildigin ashýdy pysyqtaý.
Taraptar jaqyn arada atalǵan máselelerdi talqylaý boıynsha onlaın kezdesý ótkizýge kelisti.
Sonymen qatar, Koreıa Qazaqstandy 2021 jylǵy qarashada Seýl qalasynda, sondaı-aq orman sharýashylyǵy jónindegi Kongreste (2022 jylǵy 2-6 mamyrda Seýl qalasynda) ótkizý josparlanyp otyrǵan «Ortalyq Azııa – Koreıa Respýblıkasy» yntymaqtastyq forýmyna qatysýǵa shaqyrdy.
