Aıdapkelovtyń aıtýynsha, bıylǵy halyq sanaǵy 2009 jylǵymen salystyrǵanda 2,6 ese arzanǵa shyǵady. Oǵan sebep - zamanaýı tehnologııalar qoldaný.
«2018 jyldan 2023 jylǵa deıingi besjyldyq kezeńge halyq sanaǵyn júrgizýge bıýdjetten 9,1 mlrd teńge bólindi. Onyń ishinde sanaq qyzmetkerlerine 4,7 mlrd teńge tólendi. Osy kezeńde 32 313 adam jumysqa ornalastyrylady. Bıyl bir adamǵa jumsalatyn shyǵyn 1,1 AQSh dollaryn quraıdy. 2009 jylǵy ol 2,9 AQSh dollary bolǵan edi», dedi ol QR Prezıdenti janyndaǵy Ortalyq kommýnıkasııalar qyzmeti alańynda ótken baspasóz konferensııasynda.
Spıkerdiń aıtýynsha, qazirgi ýaqytta barlyq sanaq júrgizýshimen aqyly qyzmet kórsetý týraly kelisimshart jasalyp jatyr.
