Qazaqstan Respýblıkasy Ishki ister mınıstrligi Qylmystyq-atqarý júıesi komıtetiniń baspasóz qyzmetinde aıtylǵandaı, koronavırýstyq ınfeksııanyń jańa shtamdarynyń paıda bolýy men taralýyn boldyrmaý úshin túzetý mekemelerinde karantındik sharalar qatań saqtalýda.
Komıtettiń baspasóz qyzmeti temir tordyń arǵy jaǵyndaǵylarǵa týysqandarymen baılanysý úshin telefon arqyly sóılesýler men beınekonferensııalar usynylatynyn atap ótti.
«Qaýlydaǵy shekteýler konvoıǵa (tasymaldaýǵa) jatatyn sottalǵan mekemelerdiń jeke quramyna qoldanylmaıtyny eskerildi. Sonymen qatar vaksınasııanyń tolyq kýrsyn alǵan jaǵdaıda qaýipsizdigi shekteýli mekemelerde jazasyn ótep jatqan sottalǵandar mekemeden tys orynǵa jumys isteýge jiberiledi.
Qazaqstan Respýblıkasyndaǵy epıdemıologııalyq jaǵdaı turaqtanǵan saıyn uzaq jáne qysqa merzimdi kezdesýler qaıta bastalady», dedi Qazaqstan Respýblıkasy Ishki ister mınıstrligi Qylmystyq-atqarý júıesi komıtetiniń baspasóz qyzmeti.
