Agenttik tóraǵasynyń birinshi orynbasary Oljas Bektenov aýyl sharýashylyǵy taýarlaryn óndirýshilerdi sýbsıdııalaý salasynda jemqorlyq táýekelderiniń bar ekenin, bıýdjet qarajatyn tıimsiz paıdalaný faktileriniń tirkelgenin, bul fermerlerdiń kóptegen shaǵymdarymen jáne jedel-tergeý praktıkasymen rastalǵanyn aıtty.
Atap aıtqanda, mal sharýashylyǵy salasynda qos sýbsıdııalaý, sondaı-aq qajetti mal basy men rastaıtyn qujattary joq sýbsıdııalaý faktileri anyqtaldy. Máselen, asyl tuqymdy maldy is júzinde satyp almaı sýbsıdııany zańsyz alý faktisi boıynsha Jambyl oblysynyń aýyl sharýashylyǵy basqarmasynyń bólim basshysyna qatysty is sotqa joldandy.
Sondaı-aq Aqmola oblysynyń «Aýyl sharýashylyǵy basqarmasy» MM basshysy ustaldy. Ol óz ókilettiginiń aıasyna kiretin sheshim qabyldaǵany úshin kásipkerlerden iri mólsherde para aldy degen kúdikke ilindi.
Sonymen qatar aýyl sharýashylyǵy taýarlaryn óndirýshiler bolyp tabylmaıtyn jeke jáne zańdy tulǵalarǵa sýbsıdııalar tóleý faktileri anyqtaldy. Mysaly, Túrkistan oblysynda aýyl sharýashylyǵy ónimderin óndirýge qatysy joq 203 kásipkerlik sýbektisine (sulýlyq salony, farmkompanııalarǵa, jyljymaıtyn múlikti jalǵa berý, avtomobılderdi jóndeý salasynda akkredıttelgen kásiporyndarǵa jáne t.b.) 825 mln teńgeden astam somaǵa asyl tuqymdy mal sharýashylyǵyn qoldaý salasynda sýbsıdııalar berilgen.
