Qoǵam • 19 Tamyz, 2021

BUU ókili Qazaqstan úkimetine alǵys aıtty

44 ret kórsetildi

Biriken ulttar uıymynyń Qazaqstandaǵy turaqty úleıstirýshisi Mıkaela Frıberg-Storı uıymnyń Aýǵanstanǵa járdem kórsetý jónindegi mıssııasy (UNAMA) men AIR-da akkredıttelgen BUU-nyń basqa da agenttikteriniń Almatyǵa kelýine baılanysty Qazaqstan úkimetine alǵys aıtty, dep habarlaıdy Egemen.kz.

Uıym ókilderin Almatyda qarsy alý kezinde Mıkaela Frıberg-Storı kelgen toptyń quramynda kimder bar ekenin qysqasha baıandady.

«Búgin BUU-nyń Aýǵanstanǵa kómek kórsetý jónindegi mıssııasynyń ókilderi Almatyǵa kelip jatyr. Biz Qazaqstan úkimetine kórsetken qoldaýy men áriptesterimizdi osynda qabyldaý múmkindigin usynǵany úshin rızamyz. Aýǵanstanda jumys isteý úshin búkil álemniń ár túkpirinen, Eýropadan, Soltústik Amerıkadan jınalǵan BUU qyzmetkerleri osynda kelip otyr. Olar Aýǵanstanǵa kómek kórsetý jumystaryn ári qaraı jalǵastyrady.

 

Keıbireýleri Aýǵanstanǵa osy jaqtan qoldaý kórsetý úshin Almatyda qalady, al basqalary odan ári ózderiniń turatyn elderine nemese BUU qurylymyndaǵy agenttikteriniń keńseleri ornalasqan elderge ushady», dedi BUU ókili.

Sondaı-aq, ol osyndaı qubylmaly kezeńde jedel kómek usynǵan Qazaqstan tarapyna uıym ókilderiniń alǵysyn jetkizdi.

«О́zderińiz biletindeı, Aýǵanstandaǵy jaǵdaı qazir óte qubylmaly jáne turaqsyz. Ushaqqa jetý úshin biraz ýaqyt qajet boldy. Biz qazaqstandyq bıliktiń kórsetken qoldaýy, sondaı-aq áriptesterimizdi osynda qabyldaý máselesinde kórsetken kómegi úshin óte rızamyz», dedi Mıkaela Frıberg-Storı.

Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar