Buqaralyq sportqa kóńil bólý kásipqoı sportshylar býynyn qalyptastyrady

«Ondaı basseın
Ortalyq Azııada joq...»

Derek boıynsha, oblysta 667 myńnan asa adam nemese jalpy halyq sanynyń 32 paıyzy dene­shy­nyqtyrý jáne sportpen júıeli túrde aınalysady eken. Ásirese jastar arasynda sportqa degen qyzyǵýshylyq basym. Máselen, óńirde 3 myńnan asa sport nysany men 43 sport mektebi jumys istese, onda 42 myńǵa jýyq bala sportpen shuǵyldanady.

Bıyl oblystyń sportsúıer qaýymy úshin jaǵymdy jańalyq kóp bolyp tur. Sonyń biri – Tal­dyq­orǵan qalasynda ashylǵan júzý basseıni. Ortalyq Azııada teńdesi joq dep sanalatyn bul júzý bas­seıni 570 orynǵa arnalǵan, eki qabatty eń­seli ǵımarattan turady. Munda jas sportshylar sý doby, sýǵa sekirý, akvaaerobıka sııaqty júzý­diń barlyq túrimen jattyǵa alady. Bolashaqta ǵımarattyń ha­lyq­aralyq jarystar ótkizýge de múm­kin­digi bar eken.

– Elbasy men Prezıdenttiń eli­miz­degi sportqa kóńil bólý týraly tapsyrmalaryna sáıkes búginde Almaty oblysynda13 dene shy­nyq­tyrý-saýyqtyrý kesheni ju­mys istep tur. Jaqynda oblys orta­lyǵynan Ortalyq Azııada teńdesi joq júzý basseıniniń qurylysyn aıaq­tap, qoldanysqa berdik. Bul nysan óskeleń urpaqty sportqa baýlýǵa úlken serpin beredi jáne osy jerden elimizdiń dańqyn shyǵaratyn myqty sportshylar tárbıelenip shyǵady dep senemin, – deıdi oblys ákimi Amandyq Batalov.

Qazir basseınniń ashylǵanyna taldyqorǵandyq jasóspirimder bar yntasymen qýanyp júr. Máselen, Taldyqorǵandaǵy №14 mekteptiń 11-synyp oqýshysy Islam Karımov 5 jyldan beri júzýmen aınalysady eken. Ol mundaı úlken júzý ortalyǵyna kelip, daıyndyǵyn shyńdaýǵa múmkindik týǵanyna dán rıza.

– Jasym – on altyda. Júzýge den qoıa bastaǵan 5 jyldyń ishinde bir­shama jetistikke jettim. Ashyq sýda júzýden Qazaqstan chempıo­ny boldym, sport sheberimin. Jú­zýmen kásibı túrde aınalysa­myn dep sheshtim. Búginge deıin bizshaǵyn «О́rken» sport keshe­nin­de jattyǵatyn edik. Endi osyndaı zamanaýı iri basseınde jat­ty­ǵýy­­myzǵa zor múm­kin­­dik týdy. Mun­daǵy basseın uzyndyǵynyń 52 metr bolýyuzaqqa júzýdegi shydam­dylyqty shyńdaıdy. Mem­le­ket jastarǵa sportpen aına­ly­sýǵa barlyq jaǵdaıdy jasap otyr. Búgin erekshe qýanyshqa kenelip turmyz. Osyndaı basseın salyn­ǵannan keıin sýda júzýge qyzyǵý­shy­lyǵy artatyn balalar kóbeıedi dep oılaımyn, – deıdi Islam.

Jalpy, osy zamanaýı júzý basseıni 3,8 ga jerdi alyp jatyr. Bul ǵımarattyń jalpy aýdany 13 myń sharshy metrden asady. 570 orynǵa arnalǵan júzý bas­seıniniń qurylysyna 11,4 mlrd teń­geden astam qarajat jum­sal­ǵan. Ǵımarattyń syrtqy keıpi te­ńizde júzip júrgen alyp ba­lyq­ty elestetedi. Munda 3 basseın bar, sonyń ishinde eń úlkeniniń uzyndyǵy – 52 metr, eni – 25 metr. Bul ǵımaratta nıet bildirgender sý doby, sýǵa sekirý, akva aerobıka sııaqty júzýdiń barlyq túrimen jat­tyǵa alady.

Basseın jyl boıy túrli deń­geı­degi sporttyq jarystar ótkizý­ge, sol sııaqty azamattardy salamatty ómir saltyna beıimdeýge, balalardy júzýge úıretýge arnalǵan. Múmkindigi shekteýli jandarǵa da barlyq jaǵdaı jasalǵan. Aldaǵy ýaqytta trıatlon, baıdarkada esý, kanoe jáne basqada bólimder ashý josparda bar. Jalpy, osy bas­seın arqyly Taldyqorǵannyń bola­shaqta sý sportynyń ortalyǵy bolýyna múmkindigi bar.

Olımpıada júldegerleri baspanaly boldy

Jaqynda Tokıo Olımpıa­da­sy­na qatysyp, júldeger bolypqaıtqan jetisýlyq sportshylarǵa qurmet kórsetildi. Olarǵa oblys ákimi Amandyq Batalov páter kiltin tabystady. Mundaı qur­met­ke aýyr atletıkadan jazǵy Olım­pııa oıyndarynyń qola júlde­ger­leri Zýlfııa Chınshanlo men Igor Son ıe boldy.

– Sizderdiń sporttaǵy jetistik­te­rińizdi el Prezıdenti joǵary baǵalap, memlekettik nagrada berdi. Zýlfııa II dárejeli «Dos­tyq», Igor «Qurmet» or­den­de­ri­men marapattaldy. Olım­pııa oıyndarynyń qola júldesi – elimizúshin jetistik. Sondyq­tan sender bizdiń elimizdiń maqtany­shy­­syzdar. Sizderge barlyq qa­jetti memlekettik qoldaý tu­raq­­ty túrde kórsetiledi. Biz óz ta­ra­­pymyzdan kómektesýdi jáne qol­­daýdy jalǵastyramyz. Búgin men sizderdi jetisýlyqtar atynan eleýli jeńispen quttyqtaımyn jáne jańa sport shyńdaryn ba­ǵyn­dyrýlaryńyzǵa tilektespin, – degen Amandyq Batalov sport­shy­larǵa oblys ákiminiń qurmet gramotasy jáne páter kiltterin tabys etti.

Marapattaý kezinde Zýlfııa Chınshanlo úsh bólmeli páterdiń, al Igor Son eki bólmeli páterdiń kil­tin aldy. Sportshylardyń jattyq­tyrýshylary da marapat­tan quralaqan qalmady. Olardyń árqaı­sysyna 2 mln teńge turatyn qarjy sertıfıkattary tapsyryldy. Jıynda Olımpııa oıyn­da­rynyń qola júldegeri, aýyr atletıkadan 2019 jylǵy álem chem­pıonatynyń kúmis júldegeri Igor Son sportshylarǵa kórset­ken kómegi men qoldaýy úshin al­ǵy­syn bildirdi. 

– Sportshylarǵa barlyq jaǵy­nan kórsetken kómegi úshin el Prezıdentine shynaıy rızashy­ly­ǵymdy bildiremin. Biz óz tarapymyzdan artylǵan senimdi aqtaýǵa bar kúshimizdi salamyz. Alda – Azııa oıyndary. Biz olarǵa joǵary marapattarǵa ıe bolý úshin belsendi túrde daıyndalamyz, – dedi ol.

Sondaı-aq Qazaqstanǵa eńbek sińirgen sport sheberi, halyqaralyq dárejedegi sport sheberi, Igor Sonnyń jattyqtyrýshysy Vladı­mır Sedov te rızashylyǵyn bildir­di:

– Men 13 jyl boıy sport ınterna­tynda jattyqtyrýshy bo­lyp jumys istep kelemin. Endi Olım­pııa oıyndarynyń qola júl­degeri atanǵan taǵy eki tárbıe­lenýshim bar. Birinshisi – Karına Gorıcheva, ekinshi – Igor. Men buǵan óte qýanyshtymyn. Jattyq­tyrýshylar atynan sportshy­la­ry­myz­dyń tyńǵylyqty jattyǵýy úshin ja­salǵan jaǵdaıǵa alǵys aıtqym kele­di. Biz elge jáne aı­maq­qa medal ákelý úshin ju­mys­ty jalǵastyramyz, – dedi jat­tyq­tyrýshy.

Kezdesý barysynda sportshylar aldaǵy josparlarymen bólisti, ózderiniń maqsattary men sporttyq daıyndyq erekshelikteri týraly aıtty. Al óńir basshysy AmandyqBatalov Almaty oblysy chempıondardyń tutas galaktıkasyn tárbıelep shyǵarǵanyn, bul mem­lekettiń jan-jaqty qol­da­ýy­nyń arqasynda múmkin bolǵa­nyn tilge tıeketti.

– Biz jaqynda Ortalyq Azııada bal­amasy joq olımpıadalyq bas­seın­di paıdalanýǵa berdik. Qazirdiń ózinde oǵan 850 bala júzýge ja­zyldy. Bolashaqta olardyń kóp­shiligi bizdi jetistikterimen, je­ńis­terimen qýantady dep oılaımyn. Elbasynyń aımaqtarda 100 sporttyq-saýyqtyrý ortaly­ǵyn ashý týraly tapsyrmasyna sáı­kes, oblysta 13 sporttyq-sa­ýyq­­tyrý ortalyǵy paıdalanýǵa berildi. Taǵy beseýi jaqynda iske qosylady. Olardyń bireýi – shal­ǵaı­daǵy Balqash óńirinde. Qazirdiń ózinde paıdalanýǵa daıyn. Bul rette biz sport ǵımarattaryn, ma­terıal­dyq-tehnıkalyq bazany retteýge erekshe nazar aýdaramyz. Munyń bári buqaralyq sportty damytýǵa jáne jańa talanttardy anyqtaýǵa yqpal etip, nátıje berýde, – dedi oblys ákimi Amandyq Batalov.

Qalmahanbet MUQAMETQALI, «Egemen Qazaqstan»