Bilim ordasynyń baspasóz qyzmeti usynǵan aqparatqa súıensek, zııatkerlik mekteptiń oqýshylary Birikken Ulttar Uıymyna «Turaqty damýdyń maqsaty – memleketter arasyndaǵy teńsizdikti tómendetý» jobasyn usynǵan eken. MINIBOSS halyqaralyq bıznes-mektebimen birlese ázirlengen joba álemniń 150 elinen qatysýshylar arasyndaǵy úzdik atanyp, bilim grantyn jeńip aldy. Jalpy somasy 3 myń eýro kólemindegi bilim berý granty oqýshylarǵa kásipkerlik negizin meńgerýge, sondaı-aq startap ıdeıany iske asyrýdy bastaýǵa múmkindik berdi.
Al 10-synyptyń oqýshylary Álı Azamatuly men Álııa Dinderbaıdyń jobasy da nazar aýdararlyq. Olar qart adamdarǵa arnalǵan joba ázirlegen.
– Jobanyń basty ıdeıasy – zeınet jasyndaǵy adamdardy ártúrli kýrsqa qatystyrý arqyly ózin ózi damytýǵa úndeý. Bilim berý, óner jáne sport oıyndaryna qatysty kýrstar men sheberlik synyptaryn usyndy. Jyl basynda «Qarttar marafony» jobasy ulttyq baıqaýda fınalǵa shyǵyp, halyqaralyq deńgeıde el namysyn qorǵaý quqyǵyna ıe boldyq, – deıdi BUU qoldaǵan bilgir oqýshylar.
Onlaın formatynda ótken baıqaý qorytyndysynda atyraýlyq oqýshylardyń jobasy úzdikter qataryna qosylyp, BUU-nyń altyn medalin jeńip aldy. Laıyqty qarttyqty qoldaıtyn áleýmettik joba ómir boıy bilim alý jáne zeınetkerlerdi qoǵamdyq ómirge tartý múmkindigi bar ekenin dáleldep otyr.
Atyraý oblysy
