«Atalǵan jobalar boıynsha qalalyq kásipkerler palatasynyń dırektory Nurlan Qabyshtaev, qalalyq kásipkerlik jáne ındýstrıaldy-ınnovasııalyq damý basqarmasynyń basshysy Bereke Dúısebekov baıandady», dep jazady Shymkent qalasy ákimdiginiń baspasóz qyzmeti.
Kásipkerler palatasy dırektorynyń aıtýynsha, búginde «Bastaý Bıznes» kýrsyn bitirgenderge qoldaý jetkilikti. Olarǵa negizinen úsh baǵytta – ónerkásip, saýda jáne qyzmet kórsetý, agroónerkásip kesheni boıynsha túrli jeńildikter usynylǵan.
Shaharda shaǵyn jáne orta bıznes tıimdiligin arttyrýdyń keshendi sheshimderi qolǵa alyndy. Sonyń biri – kishi ındýstrıaldy aımaqtar qurý. «Bastaý Bızneste» oqyǵan kásipkerlerge kishi ındýstrıaldy aımaqtan oryn usynyldy. Basty artyqshylyǵy – daıyn saýda oryndary, jeńildik sharttarymen jalǵa alý jáne ınfraqurylymnyń qoljetimdiligi.
Sondaı-aq, óńirlik brendti damytý aıasynda franshıza jobalarynyń tıimdiligin arttyrý kózdelgen. Franshıza – daıyn bıznes. Onda kásipti tolyq súıemeldeý múmkindigi bar.
Shtab otyrysynda shaǵyn jáne orta bıznesti damytýda «Isker qala» óńirlik baǵdarlamasyn qabyldaý, óńirlik baǵdarlama qoryn qalyptastyrý boıynsha qarjy kózderin qarastyrý, «Bastaý bıznes» kýrsyn jergilikti bıýdjetten qarjylandyrý boıynsha usynystar talqylandy.
Jalpy 2021-2023 jyldary qalada 1000 saýda núktesimen óńirlik 50 brendti qalyptastyrý (3000 jumys orny), 500 jeke kásipkerlik nysany boıynsha 4 kishi ındýstrıaldy aımaq qurý (2,5 myń jumys orny) josparlanǵan. Sonymen qatar, 30 kooperatıv uıymdastyryp, sharýa qojalyq sanyn 600-ge jetkizý nazarda bolady. Jumys ornynyń sany – 1,5 myń.
Aıta ketsek, búginde shaharda 69,5 myń shaǵyn kásipkerlerik nysan jumys isteıdi: Abaı aýdanynda – 24 177, Ál-Farabı aýdanynda – 16 551, Eńbekshi aýdanynda – 16 151 jáne Qarataý aýdanynda – 12 651 nysan bar.
Belsendi shaǵyn jáne orta bıznes nysandarynyń sanyn bıyl 71 myńǵa jetkizý kózdelgen. Al 2023 jyly 83 myńǵa jetkizý josparlanǵan. Bıyl qańtar-naýryz aıynda 222,1 mlrd teńgeniń ónimi shyǵarylǵan.
