Qazaqstan Prezıdenti janyndaǵy Ortalyq kommýnıkasııalar qyzmetinde ótken brıfıngte Elbasy Joldaýynda aıqyndalǵan maqsat-mindetterge qatysty óz usynystary men ustanymdary jóninde «Qazaqstan Respýblıkasy Azamattyq alıansynyń» vıse-prezıdenti Saltanat Rahymbekova málimdedi.
Qazaqstan Prezıdenti janyndaǵy Ortalyq kommýnıkasııalar qyzmetinde ótken brıfıngte Elbasy Joldaýynda aıqyndalǵan maqsat-mindetterge qatysty óz usynystary men ustanymdary jóninde «Qazaqstan Respýblıkasy Azamattyq alıansynyń» vıse-prezıdenti Saltanat Rahymbekova málimdedi.
«Qazaqstandyq jol-2050: bir maqsat, bir múdde, bir bolashaq» degen ataýmen jarııalanǵan jańa Joldaýdyń ereksheligi retinde ol onda aıtylǵan «Máńgilik El» ıdeıasyna toqtaldy. «Bul Joldaýdyń naqty baǵyt-baǵdary bar. Aldaǵy ýaqytta biz jan-jaqty jańǵyrtý jumystaryn júrgizip, ınvestısııanyń, ǵylymı-zertteýlerdiń, eńbek ónimdiliginiń, bıznesti damytýdyń joǵary kórsetkishterine qol jetkizýimiz kerek», dedi ol óz sózinde.
Spıkerdiń aıtýynsha, Qazaqstandy damytýdyń birinshi kezeńinde, ıaǵnı 2014-2030 jyldar aralyǵynda XXI ǵasyrdyń «múmkindikter terezesin» qoldana bilý kerek. «Bul degenimiz, ekonomıkamyzdyń dástúrli salalarynyń qarqyndy damýyn qamtamasyz etý jáne myqty ındýstrııalyq sektor qurý», dedi S. Rahymbekova. Al damýdyń 2030 jáne 2050 jyldar aralyǵyn qamtıtyn ekinshi kezeńinde eldiń ornyqty damýyn ǵylymǵa negizdelgen ekonomıka qaǵıdalary negizinde qamtamasyz etý kerek. Osylaı dep óz oıyn jetkizgen azamattyq qoǵamnyń ókili Memleket basshysy aıqyndap kórsetken jeti mindettiń árqaısysyn júzege asyrýda úkimettik emes sektor da kómekke kele alatynyna nazar aýdardy. Máselen, onyń pikirinshe, ındýstrııalandyrýdyń basty basymdyqtaryn aıqyndaýda, ınvestısııalardy tartýda, salalardy damytý jobalarynyń josparlaryn ázirleýde, zańnamalardy jetildirýge qajetti usynystardy daıyndaýda jáne otandyq bıznesti damytýǵa qolaıly jaǵdaılardy qalyptastyrýda salalyq assosıasııalar men birlestikterdiń orny erekshe.
Kezdesý barysynda Azamattyq alıanstyń ókili, sondaı-aq, eldiń aýyl sharýashylyǵy salasyna da toqtaldy. «Elbasy Qazaqstan aýyl sharýashylyǵy ónimderiniń iri óńirlik eksporttaýshylarynyń birine aınalýy qajettigin, agrarlyq ǵylymdy damytý kerektigin, tájirıbe júzindegi agrarlyq-ınnovasııalyq klasterlerdi qurýdyń mańyzdylyǵyn, ol úshin agrarlyq ónerkásiptik keshendi damytý jobasyna ózgerister engizýge mán berý qajettigin atap ótken bolatyn. Prezıdenttiń bul tapsyrmasyn júzege asyrý úshin biz aýylsharýashylyǵy salasyna memlekettik qoldaý kórsetý júıesine álemdik tájirıbeni eskere otyryp, ózgerister engizý qajet dep esepteımiz. Men mysal retinde Argentına, Brazılııa jáne Polsha elderiniń tájirıbesin keltirer edim. О́tken ǵasyrdyń orta tusynda olar ımporttaýshy elder bolatyn, al búgingi tańda bul memleketter azyq-túlik ónimderiniń iri eksporttaýshylaryna aınaldy. Kezinde olar sýbsıdııalaý júıesin de ózgertken-tuǵyn, al qazir qoldaýdyń bul túrin tek ınnovasııalardy, jańa tehnologııalardy engizýge baǵyttap otyr. Al bul Búkilálemdik saýda uıymynyń qaǵıdalaryna esh qaıshy kelmeıdi», dedi ol.
S.Rahymbekova, sondaı-aq, agrarlyq salany damytý úshin Memleket basshysynyń tapsyrmalaryn júzege asyrý aıasynda ǵylymdy jobalyq turǵyda qarjylandyrý túrine, máselen, budan bylaı ınstıtýttardy, ǵalymdardyń shyǵarmashylyq ujymyn qarjylandyrýǵa kóshý qajettigine nazar aýdardy. Onyń pikirinshe, qazaqstandyq jaǵdaıǵa sáıkes keletin «jasyl ekonomıkanyń» negizinde energııa tıimdiligi, resýrstardy únemdeý, organıkalyq aýyl sharýashylyǵy jatyr. Osy oraıda, ol osy salaǵa múddeli vedomstvonyń «jasyl tehnologııalar» tizilimin engizýine, «jasyl kásipkerlikke», ekologııalyq týrızmge qoldaý kórsetýine jaǵdaı jasaý qajettigine toqtaldy. «Jasyl ekonomıka» shaǵyn jáne orta bıznesti, birinshi kezekte otbasylyq bıznesti damytýǵa múmkindik ashady. Búginde biz bul baǵytta júzege asqan jobalardyń baryna kóz jetkizip júrmiz. Sondaı-aq, strategııalyq qujatta aıtylǵan taǵy bir mańyzdy baǵyttar – bilim berý men densaýlyq saqtaý salalaryn jetildirý jónindegi máselelerge de qoldaý kórsetkimiz keledi», dedi S.Rahymbekova.
Láıla EDILQYZY,
«Egemen Qazaqstan».
