«21 tamyzdan bastap qalada respýblıka óńirleriniń qatysýymen aýyl sharýashylyǵy jármeńkeleriniń kezekti maýsymy bastaldy. Búgin bizde birinshi jármeńkeni dástúrli túrde ońtústik óńir - Túrkistan oblysy ashady. Oblys 500 tonnaǵa jýyq túrli ónimder ákeldi: et, sút, kókónis ónimderi jáne baqsha daqyldary. Qaladaǵy jármeńkeler 31 qazanǵa deıin jalǵasady», dedi Nur-Sultan qalasynyń Investısııalar jáne kásipkerlikti damytý basqarmasynyń bólim basshysy Rýslan Ydyrysov.
Jármeńkede óńirdiń 50-den astam óndirýshileri 99 tonna et jáne et ónimderin, 75 tonna sút ónimin, 152 tonna kókónis, 21 tonna jemis-jıdek, 23 tonna kartop, 20 myń dana taýyq jumyrtqasyn, 11 tonna balyq, 2 tonna bal, 31 tonna keptirilgen jemister men túrli konservilerdi, 8 tonna basqa ónimderdi ákeldi.
«Búgingi jármeńkege Túrkistan oblysynyń 50-den astam taýar óndirýshisi qatysady, óndirýshilerden deldalsyz 500 tonnaǵa jýyq ónim usynylǵan, sondyqtan baǵalar naryqtyq baǵadan 15-20%-ǵa tómen», dep túsindirdi Túrkistan oblysy Aýyl sharýashylyǵy basqarmasynyń basshysy Nurbek Badyraqov.
Aıta ketý kerek, jármeńke kezinde barlyq sanıtarlyq normalar saqtalady: maska rejımi, áleýmettik qashyqtyq, qol gıgıenasy.
