Elbasy Nursultan Nazarbaevtyń Qazaqstan halqyna arnaıtyn joldaýlarynan jaqsy úmit kútýmen qatar, ony jaqsy tabystarmen qarsy alý meniń basty maqsatyma aınalǵan. Qazir tól tógini naýqany bolǵandyqtan teledıdardy shopandar úıine ornatyp, Joldaýdy keshki jańalyqtardan muqııat tyńdadyq. О́z-ózimizge esep berdik. Budan da jaqsy isteýge tıisti ekendigimizdi túsindik.
Elbasy Nursultan Nazarbaevtyń Qazaqstan halqyna arnaıtyn joldaýlarynan jaqsy úmit kútýmen qatar, ony jaqsy tabystarmen qarsy alý meniń basty maqsatyma aınalǵan. Qazir tól tógini naýqany bolǵandyqtan teledıdardy shopandar úıine ornatyp, Joldaýdy keshki jańalyqtardan muqııat tyńdadyq. О́z-ózimizge esep berdik. Budan da jaqsy isteýge tıisti ekendigimizdi túsindik.
Bıyl mal qoralarynda 190 sıyr men qunajyn, 200 bas qoı qystaýǵa qoıylǵan. Búgingi kúni sıyrlardyń jartysy buzaýlasa, ár analyq qoıdan orta eseppen bir qozydan alyp jatyrmyz. Bul azyqtyń molshylyǵy men kútimniń joǵarylyǵynyń arqasy. Qazir eshkimdi jumysqa úgitteýdiń qajeti joq. Árkim óz isin biledi, tııanaqtap oryndaıdy.
Biz mal tuqymyn asyldandyrý baǵytyn ustanýdamyz. Qaltamyzǵa qarap qareket jasap jatyrmyz. Qazaqtyń aqbas sıyrlaryn, quıryqty edilbaı qoılaryn satyp alyp, óz tólimen kóbeıtip kelemiz. Byltyr buqalaqtardy 430-450 kılogramdyq, qoılardy 20-25 kılogramdyq salmaqpen etke ótkizip, aıtarlyqtaı kóterilip qaldyq. Suranystyń ósýine qaraı, Býrabaı kýrortty aımaǵy men Astana qalasynda turaqty tutynýshylarymyz qalyptasyp úlgerdi. Biz tapsyrysty múltiksiz oryndap, áriptester kóńilinen shyǵýdy paryz sanaımyz.
Men alǵashqy lektegi fermer bolǵandyqtan biraz tájirıbe jınaqtadym dese de bolady. Elbasy N.Nazarbaev bıylǵy Joldaýynda bolashaqtyń bıik mindetterin saralap kórsetip berdi. Ásirese, Prezıdenttiń: «Bul sektorǵa ınvestısııa kóbirek salynady. Sondyqtan, búgingi fermerler tek ýaqytsha ári aýa raıyna baılanysty kezdeısoq jetistikterdi maldanyp qalmaı, óndiristiń ósimi jóninde oılanýǵa tıis», degen sózderi meniń de kúndelikti oıymda júrgen jaǵdaılar edi. Bir orynda turyp qalýǵa bolmaıdy. Bıik báseke sony talap etýde. Memlekettiń kómegimen súıikti isimdi damytýǵa keń múmkindik týǵanyna qýanamyn.
Qýanyshbek YBYRAEV,
«Beke» sharýa qojalyǵynyń jetekshisi.
Aqmola oblysy,
Býrabaı aýdany.
