Is-sharany Qazaqstan Respýblıkasynyń Iordanııadaǵy elshiligi men Koroldik Kınematografııa jónindegi komıssııasy «Qazaqfılm» AQ-men birlesip uıymdastyrdy.
Kınokórsetilim Ammannyń kóne aýdandarynyń birinde ashyq aspan astynda ornalasqan Kınematografııa jónindegi Koroldik komıssııanyń aýdıovızýaldy óner ortalyǵy – «Kıno úıinde» ótti.
Qazaqstan elshisi Aıdarbek Jumatov qonaqtardy qarsy alyp, olarǵa qazaqstandyq kınematografqa shynaıy qyzyǵýshylyq tanytqandary úshin alǵysyn bildirdi.
«Is-shara ıordanııalyqtarǵa Qazaqstan halqymen, onyń tarıhymen jáne mádenıetimen jaqynyraq tanysýǵa múmkindik beredi, sondaı-aq Qazaqstan - Iordanııa mádenı-gýmanıtarlyq yntymaqtastyǵyn odan ári nyǵaıtýǵa yqpal etedi», dep atap ótti Aıdarbek Jumatov.
Iordanııalyq kórermenderge «Qazaqfılm» kınostýdııasy usynǵan eki fılm kórsetildi. Is-sharanyń ashylýy kórermenderdiń joǵary baǵasyna ıe bolǵan rejısser Nurgeldi Sadyǵulovtyń «Balýan Sholaq» kórkem fılminen bastaldy. Aqan Sataevtyń «Jaýjúrek myń bala» kınokartınasy da kórermen nazaryna usynyldy. Fılmder aǵylshyn tilinde sýbtıtri bar túpnusqa dybysta kórsetildi. Is-sharaǵa dıplomatııalyq korpýs ókilderi, BAQ, sondaı-aq qoǵam qaıratkerleri men Iordanııa astanasynyń turǵyndary qatysty.
