Prezıdent • 22 Tamyz, 2021

Memleket basshysy «Dolce» kásipornynyń jumysymen tanysty

92 ret kórsetildi

Prezıdent Almaty oblysyna jumys sapary barysynda «Dolce» kompanııasynyń jumysy men shyǵaratyn ónimderimen tanysty, dep habarlaıdy Egemen.kz Aqordanyń resmı saıtyna silteme jasap.

Kompanııa basshylyǵy atalǵan kásiporyn el naryǵynda 1998 jyldan beri jumys istep kele jatqanyn aıtty.

Búgingi tańda 372 adam eńbek etip jatqan kásiporyn 160-tan astam ónim shyǵarady. Olardyń arasynda qazirgi ýaqytta asa qajet medısınalyq qolǵaptar, úsh jáne tórt qabatty betperdeler, halattar, dári-dármekter bar. Kompanııanyń jyldyq qarjy aınalymy 8,4 mıllıard teńgeni quraıdy.

1

Sondaı-aq, Qasym-Jomart Toqaev oblystaǵy densaýlyq saqtaý salasynyń jaǵdaıy týraly baıandama tyńdady.

2

Almaty oblysynda koronavırýspen kúresýge arnalǵan is-sharalar aıasynda qysqa merzimde 200 tósektik juqpaly aýrýlar aýrýhanasy salynyp, 180 jedel járdem kóligi men 12 jyljymaly medısınalyq keshen satyp alynǵan. Oblystyń 17 aýrýhanasy ottegi stansııalarymen qamtamasyz etilip, tósek-oryndardyń 45 paıyzy oksıgenoterapııamen qamtylǵan. Em mekemesinde 17 kompıýterlik tomograf, 53 rentgen, 75 Haı Flý, 606 jeldetý apparaty qosylyp, jumys istep tur.

3

Búginde oblys halqynyń 649 myń turǵyny ekpeniń I komponentin, 510 myńy II komponentin saldyrǵan. Bul oblys halqynyń 60 paıyzy vaksınamen qamtylǵanyn kórsetedi.

4

Qasym-Jomart Toqaev oblys basshylyǵyna óńirdegi epıdemıologııalyq jaǵdaıdy turaqty baqylaýda ustap, vaksınasııa qarqynyn nazarda ustaýdy tapsyrdy.

5

6

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar