Ierýsalımde Izraılge resmı sapary sheńberinde Qazaqstan Respýblıkasynyń Qorǵanys mınıstri Ádilbek Jaqsybekovti Izraıl memleketiniń Prezıdenti Shımon Peres qabyldady.
Ierýsalımde Izraılge resmı sapary sheńberinde Qazaqstan Respýblıkasynyń Qorǵanys mınıstri Ádilbek Jaqsybekovti Izraıl memleketiniń Prezıdenti Shımon Peres qabyldady.
Kezdesýde Ádilbek Jaqsybekov: «Bizdiń memleketterimiz Qazaqstan Respýblıkasy óz Táýelsizdigin jarııalaǵan sátten bastap dıplomatııalyq qarym-qatynas ornatty. Qazaqstan Ortalyq Azııa elderi arasynda Tel-Avıvte alǵashqy bolyp óz elshiligin ashqan memleket ekenin atap ótkim keledi. Bul Qazaqstannyń qazirgi ýaqytta joǵary saıası deńgeıge kóterilgen ekijaqty yntymaqtastyqty damytý men nyǵaıtý boıynsha nyq jáne uzaqmerzimdi nıetin kórsetedi», dedi jáne Izraıldiń Qazaqstannyń bastamalaryna qoldaý kórsetip kele jatqany, sondaı-aq, Azııadaǵy ózara is-qımyl jáne senim sharalary jónindegi keńes jumysyna belsendi qatysqany úshin rızashylyǵyn jetkizdi.
Izraıl Prezıdenti kóptegen jyldardan beri Qazaqstan-Izraıl qarym-qatynasynyń jemisti damyp kele jatqanyna toqtalyp, Qazaqstan Nursultan Nazarbaevtyń syrtqy jáne ishki sarabdal saıasatynyń arqasynda Ortalyq Azııadaǵy birden-bir qarqyndy damýshy el bolyp tabylatynyn atap ótti.
Shımon Peres Izraıldiń joǵary tehnologııalardy damytý salasyndaǵy yntymaqtastyqqa ázir ekenin jetkizdi. Áskerı ózara is-qımylǵa qatysty ol Qazaqstan polıgondarynda eki el qarýly kúshteriniń birlesken oqý-jattyǵýlaryn ótkizý týraly usynysyn bildirdi.
О́z kezeginde Ádilbek Jaqsybekov Qazaqstannyń áskerı-ónerkásip salasynda Izraılmen ınvestısııalyq jáne tehnıkalyq yntymaqtastyqty keńeıtýge aıryqsha mańyz beretinin atap ótti. Sonymen qatar, ol «Bolashaqtyń energııasy» taqyrybynda ótetin EKSPO-2017 halyqaralyq mamandandyrylǵan kórmesin Astanada ótkizý ıdeıasyn qoldaǵany úshin Izraıl tarapyna qazaqstandyqtardyń alǵysyn jetkizgim keledi, sondaı-aq, ızraıldik kompanııalardy osy sharaǵa qatysýǵa shaqyramyn», dedi.
Qorǵanys salasyndaǵy qazaq-ızraıl qatynasyn damytýdyń oń úderisi retinde ótken jyldyń sońynda Qazaqstannyń Izraıldegi Elshiligi janynda áskerı attashe apparatynyń ashylǵany bolyp tabylady. Bul Qazaqstan-Izraıl áskerı yntymaqtastyq máselelerin jedel jáne tıimdi sheshýge múmkindik beredi.
Qazirgi ýaqytta Izraılde tek qazirgi zamanǵy ǵylymı-zertteý jáne joǵary tehnologııalyq óndiristik bazasynyń ıegeri ǵana emes, Izraıl ekonomıkasy negizgi quraýshylarynyń biri bolyp tabylatyn qarý-jaraq pen áskerı tehnıkany shyǵarý jónindegi damyǵan áskerı-ónerkásiptik keshen jumys isteıdi. Al jalpy, Izraıl qorǵanys ónerkásibiniń ónimderi álemde suranysqa ıe. Qazaqstan da solardyń qatarynda. Búginde «Rafael», «IMI» jáne «Elbit Systems», «IAI» jáne «Ness» sııaqty Izraıl áskerı-ónerkásip kesheniniń kásiporyndarymen baılanys ornatylǵan.
Qazaqstan Qorǵanys mınıstri: «Búgingi tańda Qazaqstan Qarýly Kúshteriniń damýyn aıqyndaýshy úderis ony kásibılendirý bolyp tabylady. Qazirgi kezeńde soǵystardyń túrleri men olardy júrgizý ádisteri ózgerdi, al onda qoldanylatyn qarý-jaraq pen áskerı tehnıka biliktiligi joǵary mamandardy – áskerı kásipqoılardy qajet etedi. Bul rette biz Izraıl qarýly kúshteriniń jaýyngerlik daıarlyq tájirıbesin zerdeleýge aıryqsha mán beremiz», dedi qabyldaý qorytyndysynda.
Endi Á.Jaqsybekov Izraıl Qorǵanys mınıstri M.Iаalonmen kezdesetin bolady.
«Egemen-aqparat».
